ବୁଗୁଡ଼ା,୨୭ା୪(ଡି.ଏନ.ଏ.)- ବର୍ତ୍ତମାନ କରୋନା ମହାମାରିରୁ ରକ୍ଷା ପାଇବା ପାଇଁ ଗଞ୍ଜାମ ଜିଲାରେ ଲକ୍ଡାଉନ ଓ ସଟଡାଉନ ନିୟମ ଲାଗୁ ହୋଇଥିବା ବେଳେ ଦକ୍ଷିଣ ଘୁମୁସର ବନଖଣ୍ଡ ଅଧିକାରୀ ସତ୍ୟ ନାରାୟଣ ବେହୁରା ଅଚାନକ ବୁଗୁଡ଼ା ବନାଞ୍ଚଳ ପରିଦର୍ଶନ କରିଥିଲେ। ବନାଞ୍ଚଳ ଅନ୍ତର୍ଗତ ବାଲିପଦର, ମାଣିତରା, ପଞ୍ଚୁଭୁତି ଓ ବୁଗୁଡ଼ା ସେକ୍ସନରେ ଥିବା ୧୨ଟି ଚାରା ଉପତ୍ାଦନ କେନ୍ଦ୍ର (ନର୍ସରୀ) ପରିଦର୍ଶନ କରି କେନ୍ଦ୍ରଗୁଡ଼ିକର ଉପଯୁକ୍ତ ରକ୍ଷଣାବେକ୍ଷଣ ପାଇଁ ପରାମର୍ଶ ଦେଇଥିଲେ। ଅଧିକାରୀଙ୍କ ପରିଦର୍ଶନ କାର୍ଯ୍ୟକ୍ରମରେ ଏସିଏଫ ଶଙ୍କର୍ଷଣ ବେହେରା ଓ ପ୍ରଭାକର ନାୟକଙ୍କ ସମେତ ବୁଗୁଡ଼ା ବନାଞ୍ଚଳ ଅଧିକାରୀ ଫକୀର ଚରଣ ବେହେରା, ବାଲିପଦର ବନପାଳ ଶାନ୍ତନୁ କୁମାର ନାୟକ, ବୁଗୁଡ଼ା ବନପାଳ ଅଭିରାମ ଖିଲ, ମାଣିତରା ବନପାଳ ସରସ୍ବତୀ ନାୟକ, ପଞ୍ଚୁଭୂତି ବନପାଳ ଶୁଭାଙ୍ଗ ରୟତଙ୍କ ସମେତ ସମସ୍ତ ବନରକ୍ଷୀ ଉପସ୍ଥିତ ଥିଲେ। ଏହି ଅବସରରେ ବନଖଣ୍ଡ ଅଧିକାରୀ ବେହୁରା ଜଙ୍ଗଲର ସୁରକ୍ଷା ସହିତ ବନ୍ୟପ୍ରାଣୀ ମାନଙ୍କ ସୁରକ୍ଷା ପ୍ରତି ବିଶେଷ ଧ୍ୟାନ ଦେବାକୁ କର୍ମଚାରୀଙ୍କୁ ନିର୍ଦ୍ଦେଶ ଦେଇଥିଲେ।
