କାର୍ଡିଫ,୧।୬- ଏଠାରେ ନ୍ୟୁଜିଲାଣ୍ଡ ବିପକ୍ଷରେ ଅନୁଷ୍ଠିତ ବିଶ୍ୱକପ୍ ଗ୍ରୁପ ପର୍ଯ୍ୟାୟ ମ୍ୟାଚ୍ରେ ଶ୍ରୀଲଙ୍କା ୧୩୬ ରନ୍ରେ ଅଲଆଉଟ୍ ହୋଇଯାଇଛି। ଆମନ୍ତ୍ରଣ ପାଇ ପ୍ରଥମେ ବ୍ୟାଟିଂ କରିଥିବା ୧୯୯୬ ବିଶ୍ୱକପ୍ ଚାମ୍ପିୟନ ମାତ୍ର ୨୯.୨ ଓଭର ଖେଳିବାକୁ ସକ୍ଷମ ହୋଇଥିଲେ। ଦଳ ପାଇଁ ଅଧିନାୟକ ଦିମୁଥ କରୁଣାରତ୍ନେ ୫୨ ରନ୍ କରି ଅପରାଜିତ ଥିବାବେଳେ କୁସାଲା ପେରେରା ୨୯ ଓ ଥିସାରା ପେରେରା ୨୭ ରନ୍ କରିଥିଲେ। ଅନ୍ୟ କୌଣସି ବ୍ୟାଟ୍ସମ୍ୟାନ ଦୁଇ ଅଙ୍କ ସ୍କୋର ଛୁଇଁବାକୁ ସକ୍ଷମ ହୋଇ ନ ଥିଲେ। ନ୍ୟୁଜିଲାଣ୍ଡ ପକ୍ଷରୁ ମ୍ୟାଟ୍ଟ ହେନ୍ରୀ ଓ ଲୋକି ଫର୍ଗୁସନ ୩ ଉଇକେଟ ଲେଖାଏ ନେଇଥିଲେ। ଟ୍ରେଣ୍ଟ ବୋଲ୍ଟ, କଲିନ ଡେଗ୍ରାଣ୍ଡହୋମ, ମିଚେଲ ସାଣ୍ଟନର ଓ ଜେମ୍ସ ନିଶାମ ଗୋଟିଏ କରି ଉଇକେଟ ଅକ୍ତିଆର କରିଥିଲେ।