ପୁରୁଷୋତ୍ତମପୁର, ୧୮ା୩ (ଡି.ଏନ.ଏ.) – ଗଞ୍ଜାମ ଜିଲାରେ ମାରାତ୍ମକ କରୋନା ଭାଇରସକୁ ନେଇ ଜିଲାପାଳ ୧୪୪ ଧାରା ଜାରିକରି ପାଞ୍ଚ ଜଣରୁ ଅଧିକା ଲୋକ ଗୋଟିଏ ସ୍ଥାନରେ ଗହଳି କରିବା ନେଇ କଟକଣା ଜାରି କରିଛନ୍ତି। ହେଲେ ବିଭିନ୍ନ ପଞ୍ଚାୟତରେ ଏମ୍ଜିଏନ୍ଆର୍ଇଜିଏସ୍ ଯୋଜନାରେ ଚାଲିଥିବା କାମରେ ବହୁ ସଂଖ୍ୟାରେ ଶ୍ରମିକ ଏକାଠି ହୋଇ କାମ କରୁଛନ୍ତି। ଏନେଇ ସ୍ଥାନୀୟ ପ୍ରଶାସନ ଗୁରୁତ୍ୱ ଦେଉନାହିଁ ବୋଲି ଲୋକଙ୍କ ମଧ୍ୟରେ ଆଲୋଚନା ହେଉଛି। ଶିକୁଳା ପଞ୍ଚାୟତର ଶିକୁଳା ଗ୍ରାମରେ ଥିବା ଭଗବତ ଗାଡିଆର ପୁନରୁଦ୍ଧାର କାର୍ଯ୍ୟ ଚାଲିଥିବା ବେଳେ ବଡ ବରଗାଁ ପଞ୍ଚାୟତର ତେନ୍ତୁଳିଆ ବନ୍ଧ, ନୂଆଗଁା ବନ୍ଧ ଓ ବଡ ବରଗଁାର ଗୁହଁାଳିଆ ହଜ୍ର ପୁନରୁଦ୍ଧାର କାମ ଚାଲିଛି। ଏନେଇ ବଡବରଗାଁ ପଞ୍ଚାୟତ ନିର୍ବାହୀ ଅଧିକାରୀ ଅରକ୍ଷିତ ଶାସମଲଙ୍କ ସହ ଯୋଗାଯୋଗ କରିବାରୁ ସେ ଏଥିନେଇ କିଛି ନିର୍ଦ୍ଦେଶନାମା ଜିଲା ପ୍ରଶାସନଠାରୁ ଆସି ନ ଥିବା କହିଥିବାବେଳେ ଶିକୁଳା ପଞ୍ଚାୟତ ନିର୍ବାହୀ ଅଧିକାରୀ ରମେଶ ଚନ୍ଦ୍ର ଗୌଡଙ୍କ ସହ ଯୋଗାଯୋଗ କରାଯିବାରୁ ସେ ମଧ୍ୟ ନିର୍ଦ୍ଦେଶ ଆସିଲେ ବନ୍ଦ କରିଦେବୁ ବୋଲି କହିଛନ୍ତି।