ଗାଜିଆବାଦ୍, ୧୩।୮: ଫେସବୁକ୍ ସହାୟତାରେ ୧୪ବର୍ଷ ପରେ ଭାଇକୁ ଖୋଜି ପାଇଛନ୍ତି ଭଉଣୀ। ଉତ୍ତର ପ୍ରଦେଶର ଗାଜିଆବାଦ୍ରେ ଘଟିଛି ଏଭଳି ଘଟଣା। ୨୦୦୫ରେ ଏଠାରେ ଜଣେ ମହିଳା ୧୧ ବର୍ଷ ପୁଅ ଅଭିଷେକ ଏବଂ ନିଜ ସ୍ବାମୀଙ୍କୁ ଛାଡି ୩ ବର୍ଷର ଝିଅ କାଜଲକୁ ଧରି ଆଉ ଜଣେ ବ୍ୟକ୍ତି ସହ ଦ୍ୱିତୀୟ ବିବାହ କରିଥିଲେ। ସେବେଠାରୁ ଭାଇ ଏବଂ ପିତାଙ୍କୁ ଦେଖି ନ ଥିଲେ କାଜଲ। ଦିନକର ଘଟଣା ହଠାତ୍ ମା’ଙ୍କ ପାଟି ଭାଇଙ୍କ ନାଁ ଶୁଣି ତାଙ୍କୁ ଫେସବୁକ୍ରେ ଖୋଜିବାକୁ ଲାଗିଥିଲେ କାଜଲ। ତେବେ ଭାଇଙ୍କ ସନ୍ଧାନ ମିଳିବା ପରେ ସେ ତାଙ୍କୁ ଦେଖାକରିବା ପାଇଁ କହିଥିଲେ। ଭାଇ ନିcଜଭଉଣୀଙ୍କୁ ଦେଖା କରିବାକୁ ଆସି ସେଠାରୁ ତାଙ୍କୁ ନେଇଯାଇଥିଲେ। ପୋଲିସ ପାଖରେ ମାମଲା ପହଞ୍ଚିବା ପରେ ତଦନ୍ତ ଆରମ୍ଭ ହୋଇଥିଲା। ଝିଅକୁ ହରାଇବା ପରେ ମା’ ପୋଲିସ ଆଗରେ କାନ୍ଦିଥିଲେ। କିନ୍ତୁ ଝିଅ ଏବେ ମା’ ପାଖକୁ ଆସିବାକୁ ରାଜି ନାହାନ୍ତି। ୧୪ ବର୍ଷ ପରେ ଭାଇକୁ ପାଇଁ ବେଶ୍ ଖୁସି ଅଛନ୍ତି କାଜଲ। ସେ ଏବେ ରାକ୍ଷୀ ପୂର୍ଣ୍ଣିମାକୁ ଅପେକ୍ଷା କରିଛନ୍ତି।