ନୂଆଦିଲ୍ଲୀ,୨୧।୫-ଚଳିତ ଆର୍ଥତ୍କ ବର୍ଷ ବର୍ତ୍ତମାନ ସୁଦ୍ଧା କେନ୍ଦ୍ର ସରକାର ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳଗୁଡ଼ିକୁ ୧୫,୩୪୦ କୋଟି ଟଙ୍କାର ସାମଗ୍ରୀ ଓ ସେବା ଟିକସ(ଜିଏସ୍ଟି) କ୍ଷତିପୂରଣ ପ୍ରଦାନ କରିଛନ୍ତି। ଲକ୍ଡାଉନ ଯୋଗୁ ଜିଏସ୍ଟି ରାଜସ୍ବ ସଂଗ୍ରହ ଉନ୍ନତ ହୋଇ ନ ଥିବା ସତ୍ତ୍ୱେ ମଧ୍ୟ ରାଜ୍ୟଗୁଡିକୁ କ୍ଷତିପୂରଣ ଜାରି କରାଯାଇଛି ବୋଲି ସରକାର କହିଛନ୍ତି। ୨୦୧୯-୨୦ ଆର୍ଥତ୍କ ବର୍ଷରେ କେନ୍ଦ୍ର ସରକାର ୧.୨୦ ଲକ୍ଷ କୋଟି ଟଙ୍କାର କ୍ଷତିପୂରଣ ଏହି ବାବଦରେ ପ୍ରଦାନ କରିଛନ୍ତି। ସେହିଭଳି ୨୦୧୮-୧୯ରେ ୬୯,୨୭୫ କୋଟି ଏବଂ ୨୦୧୭-୧୮ରେ ୪୧,୧୪୬ କୋଟି ଟଙ୍କା ସରକାର ଏହି ବାବଦକୁ ପ୍ରଦାନ କରିଥିବା ଜଣାପଡିଛି।