ଭବାନୀପାଟଣା,୨୦।୧୦(ଡି.ଏନ୍.ଏ.): କଳାହାଣ୍ଡି ଜିଲା ୯ଟି ଥାନା ଅଞ୍ଚଳରେ ପୋଲିସ ଚଢ଼ାଉ କରି ୧୫ ଦାଦନ ଦଲାଲଙ୍କୁ ଗିରଫ କରିଛି। ଜିଲାରେ ଦାଦନ ଦଲାଲ ଅଧିକ ସକ୍ରିୟ ଥିବା ଖବର ଏସ୍ପି ବାତୁଲା ଗଙ୍ଗାଧରଙ୍କ ନିକଟରେ ପହଞ୍ଚତ୍ବା ପରେ ତୁରନ୍ତ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ବିଭିନ୍ନ ଥାନାକୁ ନିର୍ଦ୍ଦେଶ ଦେଇଥିଲେ। ଏହି ଅନୁଯାୟୀ ଭବାନୀପାଟଣା ସଦରଥାନା, ଧର୍ମଗଡ଼, ଜୟପାଟଣା, କୋକସରା, ଗୋଲାମୁଣ୍ଡା, ଜୁନାଗଡ଼, କେଗାଁ ଥାନା ପକ୍ଷରୁ ଦାଦନ ଦଲାଲମାନଙ୍କୁ କାବୁ ପାଇଁ ସ୍ବତନ୍ତ୍ର ପଦକ୍ଷେପ ନିଆଯାଇଥିଲା।
କେଗାଁ ଥାନା ଅଞ୍ଚଳରୁ ସର୍ବାଧିକ ୭ ଶ୍ରମିକ ଦଲାଲକୁ ପୋଲିସ ଗିରଫ କରିଥିବା ବେଳେ କେସିଙ୍ଗା ଅଞ୍ଚଳରୁ ୨ ଦଲାଲ, ଭବାନୀପାଟଣା ସଦରଥାନା, ଧର୍ମଗଡ, ଜୟପାଟଣା, କୋକସରା, ଗୋଲାମୁଣ୍ଡା ଓ ଜୁନାଗଡ଼ ଅଞ୍ଚଳରୁ ଜଣେ ଲେଖାଏ ଦଲାଲଙ୍କୁ ଗିରଫ କରିଛି।