ଜଗତ୍ସିଂହପୁର ଅଫିସ,୬ା୨: ଜଗତ୍ସିଂହପୁର ସଦର ମହକୁମା ଚର୍ଚ୍ଚିକା ବଜାର ନିକଟ ମୁଣ୍ଡା ସାହିରେ ରହୁଥିବା ଜଣେ ଅନୁସୂଚିତ ଜନଜାତିର ବ୍ୟକ୍ତି ତାଙ୍କ ୧୫ ଦିନର ଶିଶୁ ପୁତ୍ରକୁ ପୋକପୁରର ଜଣେ ବ୍ୟକ୍ତିଙ୍କୁ ଦେଇ ସ୍ତ୍ରୀ ଏବଂ ଆଉ ଏକ ପୁଅଙ୍କ ସହ କୁଆଡ଼େ ଚାଲିଯାଇଛନ୍ତି। ବିଶେଷ ସୂତ୍ରରୁ ଏ ସମ୍ପର୍କରେ ସୂଚନାପାଇ ଜଗତ୍ସିଂହପୁର ଥାନା ପୋଲିସ ଓ ଚାଇଲ୍ଡଲାଇନ୍ କର୍ମଚାରୀମାନେ ସେଠାରେ ପହଞ୍ଚତ୍ ରବିବାର ଶିଶୁପୁତ୍ରକୁ ଉଦ୍ଧାର କରିଛନ୍ତି। ଏଥିସହ ଶିଶୁକୁ ମଙ୍ଗଳ ସମିତି (ସିଡବ୍ଲ୍ୟୁସି)ରେ ହାଜର କରାଯାଇଛି। ସିଡବ୍ଲ୍ୟୁସି ପକ୍ଷରୁ ତୁରନ୍ତ ଉକ୍ତ ଶିଶୁକୁ ସ୍ଥାନୀୟ ଶିଶୁ ଆଶ୍ରମ ଏସ୍ଏଏ (ସ୍ପେଶିଆଲାଇଜ ଆଡପ୍ଶନ ଏଜେନ୍ସି)ରେ ରଖିବା ପାଇଁ ବ୍ୟବସ୍ଥା କରିଛି। ତାକୁ ବିକ୍ରି କରାଯାଇଥିବା ନେଇ ଚର୍ଚ୍ଚା ହେଉଥିବାରୁ ସ୍ଥାନୀୟ ପୋଲିସ ଏହି ଘଟଣାର ଅନୁଧ୍ୟାନ କରୁଛି।
