ଜୟପୁର,୧୦।୮: ଗତ ଶୁକ୍ରବାର ପାକିସ୍ତାନ ଥର୍ ଏକ୍ସପ୍ରେସ୍ ଚଳାଚଳକୁ ବନ୍ଦ କରିବା ପରେ ଏବେ ଏଥିରେ ୧୬୫ ଯାତ୍ରୀ ଅଟକି ରହିଥିବା ସୂଚନା ମିଳିଛି। ଏମାନଙ୍କ ମଧ୍ୟରେ ରହିଛନ୍ତି ୮୧ ଭାରତୀୟ ଓ ୮୪ ପାକିସ୍ତାନୀ। ଟ୍ରେନ୍ଟି ରାଜସ୍ଥାନର ମୁନାବାଓ ଷ୍ଟେଶନରେ ପଡି ରହିଛି। କଷ୍ଟମ ବିଭାଗ ପକ୍ଷରୁ ଏହାର ଯାଞ୍ଚ କରାଯାଉଛି। ପାକିସ୍ତାନର ଅନ୍ତର୍ଜାତୀୟ ସୀମାରେ ଏହା ଅଟକି ରହିଥିବାରୁ ଯାତ୍ରୀମାନେ ଏଥିରେ ହିଁ ଅଟକି ରହିଛନ୍ତି। ସୂଚନାଯୋଗ୍ୟ, ମୋଦି ସରକାର ଜମ୍ମୁ-କଶ୍ମୀରରେ ଅନୁଚ୍ଛେଦ ୩୭୦ ଓ ୩୫(ଏ) ହଟାଇବା ପରେ ପାକିସ୍ତାନର ଏକ ପ୍ରକାର ମୁଣ୍ଡ ବିଗିଡି ଯାଇଛି କହିଲେ ଚଳେ। ଏବେ ପାକିସ୍ତାନ ସୁରକ୍ଷା କାରଣ ଦର୍ଶାଇ ଟ୍ରେନ୍ ସେବାଠାରୁ ଆରମ୍ଭ କରି ଆକାଶ ପଥକୁ ମଧ୍ୟ ବନ୍ଦ କରି ଦେଇଛି।
