ନୂଆଦିଲ୍ଲୀ,୨୪ା୮(ପି.ଟି.)- ଭାନୁଆଟୁର ପୋର୍ଟ ଭିଲାରେ ଚାଲିଥିବା ଓସେନିଆନ ଡେଭଲପମେଣ୍ଟାଲ ଟୁର୍ନାମେଣ୍ଟରେ ଭାରତର ୧୯ ବର୍ଷରୁ କମ୍ ଫୁଟ୍ବଲ ଦଳ ପ୍ରଥମ ସ୍ଥାନ ଅଧିକାର କରିଛି। ଶୁକ୍ରବାର ଖେଳାଯାଇଥିବା ଏକ ମ୍ୟାଚରେ ଦଳ ୨-୦ ଗୋଲରେ ତାହିଟିକୁ ପରାସ୍ତ କରିଛି। ଭାରତ ତରଫରୁ ଖେଳର ଦ୍ୱିତୀୟାର୍ଦ୍ଧରେ ମନବୀର ସିଂ (୭୧ତମ ମିନିଟ୍) ଏବଂ ବିକ୍ରମ ପ୍ରତାପ ସିଂ (୮୮ତମ) ଗୋଟିଏ ଲେଖାଏଁ ଗୋଲ ସ୍କୋର କରିଥିଲେ। ତିନି ଦିନ ପୂର୍ବେ ନ୍ୟୁ କାଲେଡୋନିଆକୁ ପରାସ୍ତ କରିଥିବା ଏହି ଭାରତୀୟ ଦଳରେ ଶନିବାର ମ୍ୟାଚ ପାଇଁ କୌଣସି ଖେଳାଳି ପରିବର୍ତ୍ତନ ନ କରିବା ଲାଗି କୋଚ୍ ଫ୍ଲଏଡ୍ ପିଣ୍ଟୋ ନିଷ୍ପତ୍ତି ନେଇଥିଲେ। ମ୍ୟାଚରେ ଭାରତୀୟ ଦଳ ୧୨ଥର ବିପକ୍ଷ ଦଳର ଗୋଲ୍ ପୋଷ୍ଟ ଉପରେ ଆକ୍ରମଣ କରିବାରେ ସଫଳ ହୋଇଥିଲା। ଅନପକ୍ଷରେ ଭାରତର ରକ୍ଷଣଭାଗ ଖେଳାଳିଙ୍କ ଦୃଢ ପ୍ରଦର୍ଶନ ଯୋଗୁ ତାହିଟି ଦଳ ଗୋଟିଏ ହେଲେ ସୁଯୋଗ ପାଇ ନ ଥିଲା।