ମୁମ୍ବାଇ: ବଲିଉଡ୍ର ସବୁଠୁ କ୍ୟୁଟ୍ ଯୋଡ଼ି ଭାବେ ଆୟୁଷ୍ମାନ ଖୁରାନା ଏବଂ ତାହିରା କାଶ୍ୟପଙ୍କୁ ବିବେଚନା କରାଯାଏ। ଉଭୟେ ୨୦୦୮ ମସିହାରେ ବିବାହ ବନ୍ଧନରେ ବାନ୍ଧି ହୋଇଥିଲେ। ଆୟୁଷ୍ମାନ ଖୁରାନା ସୋସିଆଲ ମିଡିଆରେ ଏକ ଫଟୋ ପୋଷ୍ଟ କରି ପ୍ରେମ ପେଡ଼ି ଖୋଲିଛନ୍ତି। ଏଥିରେ ସେ କ୍ୟାପଶନ୍ ଲେଖିଛନ୍ତି, ୧୯ ବର୍ଷ ପୂର୍ବେ ତାହିରାଙ୍କୁ ପ୍ରପୋଜ କରିଥିଲେ। ଆୟୁଷ୍ମାନ ତାଙ୍କ ଇନ୍ଷ୍ଟାଗ୍ରାମରେ ଏହି ଫଟୋ ଶେୟାର କରିବା ପରେ ବର୍ତ୍ତମାନସୁଦ୍ଧା ୧୨ଲକ୍ଷରୁ ଅଧିକ ୟୁଜର ଏହାକୁ ଲାଇକ୍ କରିସାରିଲେଣି। ଇନ୍ଷ୍ଟାଗ୍ରାମରେ ଫଟୋ ଶେୟାର କରି ଆୟୁଷ୍ମାନ୍ ତାହିରାଙ୍କୁ ୨୦୦୧ରେ ପ୍ରପୋଜ କରିଥିଲେ ବୋଲି କ୍ୟାପ୍ଶନ ଲେଖିଛନ୍ତି। ସେହି ସମୟରେ ସେ ତାଙ୍କ ବୋର୍ଡ ପରୀକ୍ଷା ପାଇଁ ପ୍ରସ୍ତୁତ ହେଉଥିଲେ। ତାଙ୍କୁ ମାତ୍ର ୧୬ ବର୍ଷ ହୋଇଥିଲା। ରାତି ପ୍ରାୟ ୧.୪୮ରେ ତାହିରାଙ୍କୁ ଫୋନ୍ କରି ନିଜର ପ୍ରେମ ବ୍ୟକ୍ତ କରିଥିଲେ। ୧୯ ବର୍ଷ ହେଲା ସେ ତାହିରାଙ୍କ ସହ ଅଛନ୍ତି ବୋଲି ଫ୍ୟାନ୍ମାନଙ୍କୁ ଜଣାଇଛନ୍ତି।
ଏ ତ ଗଲା ବ୍ୟକ୍ତିଗତ ଜୀବନ କଥା। ଫିଲ୍ମ କଥା କହିବାକୁ ଗଲେ ଆୟୁଷ୍ମାନ ଫିଲ୍ମ ‘ଶୁଭ ମଙ୍ଗଲ ଜ୍ୟାଦା ସାବଧାନ’ରେ ନଜର ଆସିଥିଲେ। ଏହି ଫିଲ୍ମଟିକୁ ଦର୍ଶକେ ବେଶ୍ ପସନ୍ଦ କରିଛନ୍ତି। ଆୟୁଷ୍ମାନ ଏଥିରେ ଗେ’ ଭୂମିକାରେ ଅଭିନୟ କରିଥିଲେ। ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ହିତେଶ କଓ୍ବୋଲେ। ଆୟୁଷ୍ମାନ ଖୁରାନା ଖୁବ୍ଶୀଘ୍ର ‘ଗୁଲାବୋ ସିତାବୋ’ରେ ଅମିତାଭ ବଚ୍ଚନଙ୍କ ସହ ନଜର ଆସିବେ। ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ସୁଜିତ୍ ସରକାର।