ଇସଲାମାବାଦ,୨୨।୧୧: ପାକିସ୍ତାନ ବାସିନ୍ଦା ବୁରହାନ ଚିସ୍ତିଙ୍କ ଉଚ୍ଚତା ୨ ଫୁଟ୍। ଏବେ ତାଙ୍କର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ତାହା ପୁଣି ତାଙ୍କ ବିବାହ ସମୟର। ଉକ୍ତ ଭିଡିଓରେ ସେ ଜବରଦସ୍ତ ଡ୍ୟାନ୍ସ କରୁଥିବା ଦେଖାଯାଇଛି। ତାହାପୁଣି ଜଣେ ୬ ଫୁଟ୍ କନ୍ୟା ସହ। ସୂଚନାଯୋଗ୍ୟ, ଚିସ୍ତି ପିଲାବେଳୁ ପୋଲିଓରେ ଆକ୍ରାନ୍ତ ଥିବା ବେଳେ ତାଙ୍କର ଉଚ୍ଚତା ଆଉ ବଢି ପାରି ନ ଥିଲା। ହେଲେ ସେ ତାଙ୍କ ଜୀବନରେ ଖୁବ୍ ମଜା କରୁଥିବା ଲୋକେ କୁହନ୍ତି। ଯେବେବି ସେ କୌଣସି ସେଲିବ୍ରିଟି ସହ ସାକ୍ଷାତ୍ କରନ୍ତି ସେତେବେଳେ ସେ ସାଙ୍ଗେ ସାଙ୍ଗେ ତାଙ୍କ ସହ ସେଲ୍ଫି ନେଇ ତାକୁ ସୋସିଆଲ ମିଡିଆରେ ଅପଲୋଡ କରି ଦିଅନ୍ତି। ଏବେ ତାଙ୍କ ବିବାହରେ ମଧ୍ୟ ସେ ଖୁବ୍ ମଜା କରିଥିବା ଦେଖାଯାଇଛି। ପ୍ରଥମେ ହ୍ବିଲ ଚେୟାରେ ବସି ଡ୍ୟାନ୍ସ କରୁଥିବା ଚିସ୍ତିଙ୍କୁ ତାଙ୍କ ସାଥୀମାନେ ପରେ କୋଳକୁ ଉଠାଇ ନେଉଥିବା ଭିଡିଓରେ ଦେଖାଯାଇଛି। ଆଉ ଏହି ବିବାହରେ ଯୋଗ ଦେଇଥିବା ଅତିଥିମାନେ ମଧ୍ୟ ଖୁବ୍ ମଜା କରିଛନ୍ତି। କୁହାଯାଏ ପାଖାପାଖି ୧୩ଟି ଦେଶରୁ ଅତିଥି ଚିସ୍ତିଙ୍କ ବିବାହ ଉତ୍ସବରେ ଯୋଗ ଦେଇଥିଲେ।