ମାଞ୍ଚେଷ୍ଟର,୧୭।୬(ପି.ଟି.)- ପାକିସ୍ତାନ ବିପକ୍ଷ ମ୍ୟାଚ୍ରେ ଭାରତୀୟ ପେସର ଭୁବନେଶ୍ୱର କୁମାରଙ୍କ ମାଂସପେଶୀ ଟାଣି ହୋଇଯାଇଛି। ଏଥିଯୋଗୁ ସେ ଅତିକମ୍ରେ ୨ରୁ ୩ ବିଶ୍ୱକପ୍ ମ୍ୟାଚ୍ରୁ ବାଦ୍ ପଡ଼ିଛନ୍ତି। ଏହି ପେସର ୩ ଓଭର ପୂରା କରିପାରି ନ ଥିଲେ। ତାଙ୍କ ସ୍ଥାନରେ ମହମ୍ମଦ ସାମି ଖେଳିବେ ବୋଲି ଅଧିନାୟକ ବିରାଟ କୋହଲି ସ୍ପଷ୍ଟ କରିଛନ୍ତି। ପିଚ୍ରେ ହୋଇଥିବା ଗାତ ଯୋଗୁ ଭୁବିଙ୍କ ବାମଗୋଡ଼ର ମାଂସପେଶୀ ଟାଣି ହୋଇଯାଇଛି। କିନ୍ତୁ ସେ ଫେରିବା ଦରକାର। ଦଳ ପାଇଁ ଭୁବନେଶ୍ୱର ବହୁ ଗୁରୁତ୍ୱପୂର୍ଣ୍ଣ ବୋଲର ବୋଲି ମ୍ୟାଚ୍ ପରେ କୋହଲି କହିଛନ୍ତି। ଆସନ୍ତା ୨୨ ତାରିଖରେ ଭାରତୀୟ ଦଳ ତା’ର ପରବର୍ତ୍ତୀ ମ୍ୟାଚ୍ରେ ଆଫଗାନିସ୍ତାନକୁ ଭେଟିବ। ଏହାପରେ ୨୭ ତାରିଖରେ ଓ୍ବେଷ୍ଟଇଣ୍ଡିଜ ଓ ୩୦ ତାରିଖରେ ଇଂଲଣ୍ଡ ସହ ଭାରତୀୟ ଦଳ ମ୍ୟାଚ୍ ଖେଳିବ।
