ଆଷାଢ଼ ପୂର୍ଣ୍ଣିମା ବା ଗୁରୁପୂର୍ଣ୍ଣିମା ମଙ୍ଗଳବାର ବିଳମ୍ବିତ ରାତିରେ ଆଂଶିକ ଚନ୍ଦ୍ରଗ୍ରହଣ ସଂଗଠିତ ହେବ। ଏହା ୟୁରୋପ, ଏସିଆ, ଅଷ୍ଟ୍ରେଲିଆ, ଆଫ୍ରିକା, ଦକ୍ଷିଣ ଆମେରିକା ଆଦି ମହାଦେଶର ଅନେକ ଅଞ୍ଚଳ ସହ ଭାରତର ସମସ୍ତ ସ୍ଥାନରେ ଦୃଶ୍ୟମାନ ହେବ। ଜ୍ୟୋତିଷ ଶାସ୍ତ୍ର ଅନୁଯାୟୀ, ପୁରୀକୁ ଭାରତୀୟ ସମୟ ଅନୁସାରେ ମଙ୍ଗଳବାର ରାତ୍ରି ୧୨ଟା ୧୪ରେ ଚନ୍ଦ୍ରକାନ୍ତି ମାଲିନ୍ୟାରମ୍ଭ ହେବାକୁ ଥିବାବେଳେ ରାତ୍ରି ୧ଟା ୩୨ରେ ଆଂଶିକ ଗ୍ରହଣ ସ୍ପର୍ଶ, ୩ଟା ୧ରେ ଗ୍ରହଣ ମଧ୍ୟ, ୪ଟା ୩୦ରେ ସର୍ବମୋକ୍ଷ ଓ ନିଶାନ୍ତ ୫ଟା ୪୮ରେ ଚନ୍ଦ୍ରକାନ୍ତିମାଲିନ୍ୟ ଶେଷ ହେବ। ତେବେ ଗ୍ରହଣ ଲାଗିବା ସମୟରେ ଭୁଲରେବି ଏହିସବୁ କାମ କରନ୍ତୁ ନାହିଁ ।
– ଘରେ ଖାଦ୍ୟ ପ୍ରସ୍ତୁତ କରିବା ଓ ଏହାକୁ ଖାଇବା ସ୍ବାସ୍ଥ୍ୟପକ୍ଷେ କ୍ଷତିକାରକ।
– ଏହି ସମୟରେ ମୁଣ୍ଡରେ ତେଲ ଲଗାଇବା ଅନୁଚିତ।
– ଗ୍ରହଣ ସମୟରେ ଖାଇବା ଦ୍ୱାରା ଖାଦ୍ୟ ପେଟରେ ବିଷ ହୋଇ ଯାଇଥାଏ।
– ଚନ୍ଦ୍ରଗ୍ରହଣ ସମୟରେ ବାୟୁମଣ୍ଡଳରେ ବ୍ୟାକ୍ଟେରିଆ ଓ ସଂକ୍ରମଣର ପ୍ରକୋପ ବହୁ ମାତ୍ରାରେ ବଢ଼ିଥାଏ। ଖାଇବା ବେଳେ ଏହା ଅଧିକ ସଂକ୍ରମଣ ହେବାର ଆଶଙ୍କା ରହିଥାଏ।
– କୌଣସି ଶୁଭ କାର୍ଯ୍ୟ ଆରମ୍ଭ କରିବା ଅନୁଚିତ।
କ’ଣ କରିବା ଉଚିତ
– ଫଳ ଖାଇପାରିବେ। କାରଣ ଏଥିରେ କୌଣସି ପରିବର୍ତ୍ତନ ହୋଇ ନ ଥାଏ ।
ପବିତ୍ର ନଦୀରେ ସ୍ନାନ କରିପାରିବେ ।
– ଘରେ ରଖାଯାଇଥିବା ପାଣିରେ କୁଶ ପକାଇଲେ ପାଣି ଦୂଷିତ ହୋଇ ନ ଥାଏ ।
– ପ୍ରାର୍ଥନା, ଜପ ଓ ତପ କରିବା ଭଲ।
-ଗ୍ରହଣ ସମାପ୍ତ ହେବା ପରେ ଚନ୍ଦ୍ରଙ୍କ ପୂର୍ବାବସ୍ଥା ଦେଖି ଖାଇବା ଉଚିତ।
