ମୁମ୍ବାଇ: ବଲିଉଡ୍ ଅଭିନେତ୍ରୀ ପରିଣିତି ଚୋପ୍ରା ଶୁକ୍ରବାର ୩୩ ବର୍ଷରେ ପଦାର୍ପଣ କରିଛନ୍ତି । ଏଥର ସେ ୱାର୍କିଂ ବାର୍ଥ ଡେ ପାଳନ କରିଥିବା କହିଛନ୍ତି । ସେ କହିଛନ୍ତି ୨୦୨୧ ମୋ ପାଇଁ ସବୁଠାରୁ ବଡ ଉପହାର । ଗତ କିଛି ବର୍ଷ ହେବ ପରିଣିତିଙ୍କ ହାତରେ କିଛି ଅଫର ନ ଥିବା ବେଳେ ୨୦୨୧ରେ ତାଙ୍କ ହାତରେ କିଛି ଅଫର ରହିଛି । ତେଣୁ ଏଥର ଜନ୍ମଦିନକୁ ସେ ଶୁଟିଂ ସେଟ୍ରେ ଏନଜୟ କରିଛନ୍ତି । ଏବେ ସେ ନେପାଳରେ ସୁରଜ ବଡଜାତ୍ୟାଙ୍କ ଫିଲ୍ମ ‘ଉଂଚାଇ’ର ଶୁଟିଂରେ ବ୍ୟସ୍ତ ଥିବା ଜଣାପଡିଛି । ଆଗକୁ ମଧ୍ୟ ତାଙ୍କ ହାତରେ ଅଫର୍ ରହିଛି । ସେଥିପାଇଁ ପରିଣିତି କହିଛନ୍ତି ୨୦୨୧ର ଜନ୍ମଦିନ ଯେମିତି ହେବା କଥା ସେମିତି ହୋଇଛି ।