କୋଲକାତା,୧।୮: ଆସନ୍ତା ୨୦୨୧ରେ ପଶ୍ଚିମବଙ୍ଗ ସାଧାରଣ ନିର୍ବାଚନ ଅନୁଷ୍ଠିତ ହେବାକୁ ଥିବା ବେଳେ ଏବେଠାରୁ ଏହାକୁ ନେଇ ସଜବାଜ ହେଲାଣି ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଦଳ ତ୍ରୁଣମୂଳ କଂଗ୍ରେସ। ତେବେ ଗତ ଲୋକ ସଭା ନିର୍ବାଚନରେ ଶୋଚନୀୟ ପରାସ୍ତ ପରେ ଏବେ କୁଆଡେ ଦିଦିଙ୍କୁ ବିଜୟ ମନ୍ତ୍ର ଦେବେ ରଣନୀତି ବିଶାରଦ ପ୍ରଶାନ୍ତ କିଶୋର। ତେବେ ପ୍ରଶାନ୍ତ ପ୍ରଥମେ ଦିଦିଙ୍କ ରାଗ ଶାନ୍ତ କରିବାକୁ ଚାହିଁବେ। ‘ଦିଦି କେ ବୋଲ୍’ କାମ୍ପେନ୍ ଜରିଆରେ ସେ ଭୋଟରଙ୍କ ନିକଟତର ହେବାକୁ ଚେଷ୍ଟା କରିବେ ବୋଲି କୁହାଯାଉଛି। ସେପଟେ କିଛି ଦିନ ହେବ ଭାଜପା ସହ ଦିଦିଙ୍କର ଯେପରି ତୁତୁମେମେ ଲାଗି ରହିଛି ତାକୁ ଭୁଲି ଯାଇ ଦଳ ଉପରେ ଫୋକସ୍ କରିବା ଉପରେ ପ୍ରଶାନ୍ତ ଯୋର୍ ଦେବେ ବୋଲି ଜଣାପଡିଛି। ଗଣମାଧ୍ୟମର ସୂଚନା ଅନୁଯାୟୀ, ଏଥର ମମତାଙ୍କ ପାଇଁ ପ୍ରଶାନ୍ତଙ୍କ ପ୍ରଥମ ରଣନୀତି ରହିବ ଶାନ୍ତ ମନୋଭାବ ଓ ଭାଜପାର କୌଣସି ଟିପ୍ପଣୀକୁ ନେଇ ପ୍ରତିକ୍ରିୟା ପ୍ରକାଶ ନ କରିବା ବା ହଠାତ୍ ରାଗି ନ ଯିବା।