ଅସୁନ୍ସିଅନ,୧୮।୪(ଏଏଫ୍ପି)- ଖୁବ୍ଶୀଘ୍ର ଦକ୍ଷିଣ ଆଫ୍ରିକାରେ ୨୦୨୨ ଫିଫା ବଶ୍ୱକପ୍ ପାଇଁ ଯୋଗ୍ୟତା ପର୍ଯ୍ୟାୟ ଟୁର୍ନାମେଣ୍ଟ ଆରମ୍ଭ ହେବାକୁ ଯାଉଛି। ସେପ୍ଟେମ୍ବରରେ କାତାରରେ ଆୟୋଜନ ହେବାକୁ ଥିବା ଫୁଟବଲ ବିଶ୍ୱକପ୍ର କ୍ୱାଲିଫାଇଙ୍ଗ ଆରମ୍ଭ ହେବ ବୋଲି ଦକ୍ଷିଣ ଆମେରିକା ଫୁଟବଲର ସର୍ବୋଚ୍ଚ ପ୍ରଶାସନିକ ସଂସ୍ଥା କନ୍ମେବୋଲ ତରଫରୁ କୁହାଯାଇଛି। କରୋନା ଭାଇରସ ସଂକ୍ରମଣ କାରଣରୁ ଏହି କ୍ୱାଲିଫାଇଙ୍ଗ ଟୁର୍ନାମେଣ୍ଟକୁ ସ୍ଥଗିତ ରଖାଯାଇଥିଲା।
ସେପ୍ଟେମ୍ବର ୪ରୁ ୮ ତାରିଖ ମଧ୍ୟରେ ଏହି ଟୁର୍ନାମେଣ୍ଟ ଆରମ୍ଭ ହେବାର କାର୍ଯ୍ୟକ୍ରମ ରହିଛି। ଏହି କ୍ୱାଲିଫାଇଙ୍ଗ୍ ଟୁର୍ନାମେଣ୍ଟରେ ସବୁ ୧୦ଟି ଯାକ ଦଳ ଘରୋଇ ପରିବେଶ୍ ଓ ବାହାରେ ପରସ୍ପର ମଧ୍ୟରେ ମୁକାବିଲାରେ ଅବତୀର୍ଣ୍ଣ ହେବେ। ଫଳରେ ଦକ୍ଷିଣ ଆମେରିକାରେ ମୋଟ ୧୮ଟି କ୍ୱାଲିଫାଇଙ୍ଗ ମ୍ୟାଚ୍ ଖେଳାଯିବା ସ୍ପଷ୍ଟ ହୋଇଛି। ଏହା ଅନ୍ୟ ମହାଦେଶୀୟ ଫେଡେରେଶନ ତୁଳନାରେ ଅଧିକ ବୋଲି କୁହାଯାଇଛି। ପ୍ରଥମ ଦୁଇ ରାଉଣ୍ଡ ମ୍ୟାଚ୍ଗୁଡିକ ପୁନଃ ନିର୍ଦ୍ଧାରିତ ହେବା ଜରୁରୀ। ତେବେ ଫିଫା ଏହି ଦୁଇ ରାଉଣ୍ଡର ମ୍ୟାଚ୍ର ନୂଆ ତାରିଖ ସଂକ୍ରାନ୍ତରେ ନିଷ୍ପତ୍ତି ନେବ। ଅନ୍ୟପଟେ କୋପା ଆମେରିକା ଫୁଟବଲ ଟୁର୍ନାମେଣ୍ଟକୁ ଆସନ୍ତାବର୍ଷକୁ ଘୁଞ୍ଚାଇ ଦିଆଯାଇଛି। ତେଣୁ ଏହି ଦୁଇ ରାଉଣ୍ଡ ମ୍ୟାଚ୍ର ନୂଆ ତାରିଖ ସ୍ଥିର କରିବା ଅବଶ୍ୟ କଷ୍ଟକର ବୋଲି କନ୍ମେବୋଲ ତରଫରୁ କୁହାଯାଇଛି।
ବିଶ୍ୱକପ୍ କ୍ୱାଲିଫାୟର୍ସର ଦୁଇ ରାଉଣ୍ଡ ମ୍ୟାଚ୍ ଜୁନ୍ ୩ ଓ ୮ ତାରିଖରେ ଏବଂ କୋପାଆମେରିକାର ଜୁନ୍ ୧୧ ତାରିଖରେ ଆୟୋଜନ ହେବାର କାର୍ଯ୍ୟକ୍ରମ ଥିଲା। ସେହିପରି କ୍ଲବ ପ୍ରତିଯୋଗିତା ଯଥା- କୋପା ଲିବେର୍ଟାଡୋର୍ସ ଓ କୋପା ସୁଦାମେରିକାନାର ନୂଆ ତାରିଖ ନେଇ ମଧ୍ୟ ଏପର୍ଯ୍ୟନ୍ତ କୌଣସି ନିଷ୍ପତ୍ତି ନିଆଯାଇନାହିଁ। ତେବେ ଦକ୍ଷିଣ ଆମେରିକାର କ୍ଲବ ଟୁର୍ନାମେଣ୍ଟ ଓ ୟୁଇଏଫ୍ଏର ଚାମ୍ପିୟନ୍ସ ଲିଗ୍ ଓ ୟୁରୋପା ଲିଗ୍ର ୨୦୨୦ ସଂସ୍କରଣ ଶେଷ କରାଯିବ ବୋଲି ବାରବାର କୁହାଯାଇଛି। ତେବେ ଟୁର୍ନାମେଣ୍ଟ ଅପେକ୍ଷା ଦକ୍ଷିଣ ଆମେରିକା ଫୁଟବଲ ଜଗତ ସହିତ ଜଡିତ ଥିବା ସବୁ ଲୋକଙ୍କର ସ୍ବାସ୍ଥ୍ୟ ଓ ନିରାପତ୍ତାକୁ ଅଗ୍ରାଧିକାର ଦିଆଯିବ ବୋଲି କନ୍ମେବୋଲ କହିଛ।