ଅଗରତାଲା,୮।୬: ଦେଶରେ କଂଗ୍ରେସ ଦଳ ନାମରେ ଅଧିକ ସମୟ ଧରି କ୍ଷମତାରେ ରହିବାର ରେକର୍ଡ ଅଛି। ତେବେ ଏହି ରେକର୍ଡ ଭାଜପା ଭାଙ୍ଗିବା ସହିତ ୨୦୪୭ ପର୍ଯ୍ୟନ୍ତ କ୍ଷମତାରେ ରହିବ। ଏନେଇ ତ୍ରିପୁରାର ଅଗରତାଲାରେ ଆୟୋଜିତ ଏକ ସଭାରେ ରାମ ମାଧବ ସୂଚନା ଦେଇଛନ୍ତି। ୨୦୪୭ରେ ଦେଶ ସ୍ବାଧୀନତା ଦିବସର ଶତ ବାର୍ଷିକୀ ପାଳନ କରୁଥିବାବେଳେ ଭାଜପା କ୍ଷମତାର ରହିଥିବ ବୋଲି ସେ ପ୍ରକାଶ କରିଛନ୍ତି। ରାମ ମାଧବଙ୍କ ମନ୍ତବ୍ୟ ନେଇ ଏବେ ଚର୍ଚ୍ଚା ଜାରି ରହିଛି। ଏହାପୂର୍ବରୁ ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ ଭାଜପା ଆଗାମୀ ୫୦ ବର୍ଷ ଧରି ବିଜୟ ହାସଲ କରିବ ବୋଲି କହିଥିଲେ। ଏଥି ପାଇଁ ଦଳୀୟକର୍ମୀ ପ୍ରସ୍ତୁତ ରହିବା ଆବଶ୍ୟକ ବୋଲି ସେ କହିଥିଲେ।