ଭୁବନେଶ୍ୱର, ୧ା୩ (ସ୍ପୋର୍ଟ୍ସ ବ୍ୟୁରୋ)- ପୁରୁଷ ୨୦ କିମି ରେସ୍ରେ ମାଙ୍ଗାଲୋର ବିଶ୍ୱବିଦ୍ୟାଳୟର ଜୁନେଦ୍ ବାଜିମାତ୍ କରିନେଇଛନ୍ତି। କଳିଙ୍ଗ ଷ୍ଟାଡିୟମରେ ଅନୁଷ୍ଠିତ ରେସ୍ରେ ଜୁନେଦ୍ ୧ ଘଣ୍ଟା ୨୯ ମିନିଟ୍ ୫୧.୦୦ ସେକେଣ୍ଡ ସମୟ ନେଇ ପ୍ରଥମ ସ୍ଥାନ ହାସଲ କରିବା ସହ ସ୍ବର୍ଣ୍ଣ ପଦକ ଜିତିଛନ୍ତି। ରୋହତକ୍ ମହାତ୍ମା ଗାନ୍ଧୀ ବିଶ୍ୱବିଦ୍ୟାଳୟର ହର୍ଦୀପ (୧ ଘଣ୍ଟା ୩୦ ମିନିଟ୍) ରୌପ୍ୟ ଓ ଦୀନଦୟାଲ ଉପାଧ୍ୟାୟ ବିଶ୍ୱବିଦ୍ୟାଳୟର ନୀରଜ କୁମାର ଚୌରାସିୟା (୧:୩୨.୦୨.୦୦) ବ୍ରୋଞ୍ଜ ପଦକ ହାସଲ କରିଥିଲେ। ଅପରପକ୍ଷରେ ମହିଳା ୨୦ କିମି ରେସ୍ରେ ସୋନାଲ ସୁଖଓ୍ବାଲ (ମୋହନଲାଲ ସୁଖାଦିଆ ବିଶ୍ୱବିଦ୍ୟାଳୟ, ୧:୩୯:୪୩.୦୦), ରାକ୍ଷୀ ଖୁସବାଳା (ପ୍ରଫେସର ରାଜେନ୍ଦ୍ର ସିଂ ବିଶ୍ୱବିଦ୍ୟାଳୟ୧:୪୦:୩୫.୦୦) ଓ ଶିବାନୀ (ରାଜୀବ ଗାନ୍ଧୀ ବିଶ୍ୱବିଦ୍ୟାଳୟ, ୧:୪୧:୪୭.୦୦) ଯଥାକ୍ରମେ ପ୍ରଥମ, ୨ୟ ଓ ୩ୟ ସ୍ଥାନରେ ରହିଥିଲେ।