ଦେଓଗାଁ,୨୮ା୧(ଡି.ଏନ୍.ଏ.)-
ବଲାଙ୍ଗୀର ଜିଲା ଦେଓଗଁା ବ୍ଲକ ରାମଚନ୍ଦ୍ରପୁର ପଁଚେତ୍ ଲୁହାଖାନା ଗଁାର ୯୦ ବଛ୍ରିଆ ବୁରୁଧ୍ ମଧୁ ପଟେଲ। ବଏସର ଶେଷ ମୁଡ଼ସାକେ ପୁହୁଁଚି ସାରିଥିଲେ ବି ସେ ଭତାରୁ ବଁଚିତ୍ ହେଇ ରହିଛନ୍। ଭୋଟ ପରିଚଏପତର ଆର ଆଧାରକାର୍ଡର ସୂଚନା ଅନ୍ସାରେ ମଧୁକଁର ଜନମ୍ ୧୯୩୦ ସାଲେ। ସେ ହିସାବେ ଏହେଦେ ତାକର ବଏସ୍ ୯୦ ବଛର। ମଧୁକଁର ଅଭିଯୋଗ ହେଲା ଆଏଜ୍କେ ୨୦ ବଛରରୁ ଅଧ୍କା ହେଲା ସେ ଭତାର ଲାଗି ଆବେଦନ କରିଆସୁଛନ୍। ହେଲେ ସବୁବେଲେ ତାହାକୁ ନିରାଶ ହେବାକେ ପଡ଼ୁଛେ। ମାସକେତେ ତଲେ ସରକାରକଁର ପିଠା କାଯ୍କରମରେ ବି ସେ ଭତାର ଲାଗି ଆବେଦନ କରି ନିରାଶ ହେଇଥିବାର କହିଛନ୍। ଏନ୍ତାଥି ସେ ସୋମବାର ବ୍ଲକରେ ଜିଲାପାଳକଁର ଜନ ଅଭିଯୋଗ ଶୁନାନି ହେଉଥିବାର ସୂଚନା ପାଇ ବୁରୁଧ୍ ମଧୁ ଭତାର ଲାଗି ଆବେଦନ ସଂଗେ ଗୁହାରି କରବାକେ ଆସିଥିବାର କହିଥିଲେ।