ଅଲରାଉଣ୍ଡର ପ୍ରଦର୍ଶନ ଜରିଆରେ ନ୍ୟୁଜିଲାଣ୍ଡକ ବହୁ ଅନ୍ତର୍ଜାତୀୟ ମ୍ୟାଚ୍ ଜିତାଇଥିବା ପୂର୍ବତନ ଖେଳାଳି କ୍ରିସ୍ କ୍ରେନ୍ସ ଏବେ ଟ୍ରକ୍ ଚଲାଉଛନ୍ତି। କଥାଟା ଆଶ୍ଚର୍ଯ୍ୟ ଲାଗୁଥିଲେ ମଧ୍ୟ ସତ। ଅବସର ପରେ କ୍ରିସ କେନର୍ସ ମ୍ୟାଚ ଫିକ୍ସିଂ ଭଳି ଗୁରୁତର ଅଭିଯୋଗର ସମ୍ମୁଖୀନ ହୋଇଥିଲେ। ତାଙ୍କୁ ଭାରତୀୟ କ୍ରିକେଟ ଲିଗରେ ଫିକ୍ସିଂ କରାଯାଇଥିବା ଅଭିଯୋଗ ହୋଇଥିଲା। ଯାହାକୁ କ୍ରିସ କ୍ରେନ୍ସ ଅସ୍ବୀକାର କରିଥିଲେ। ମ୍ୟାଚ ଫିକ୍ସିଂରେ ନିଜେ ଦୋଷୀ ସାବ୍ୟସ୍ତ ହୋଇଥିବା ନ୍ୟୁଜିଲ୍ୟାଣ୍ଡର ପୂର୍ବତନ କ୍ରିକେଟର ଲୁ ଭିନ୍ସେଣ୍ଟ ଅଭିଯୋଗ କରିଛନ୍ତି ଯେ, କ୍ରିସ କ୍ରେନ୍ସ ତାଙ୍କୁ ଫିକ୍ସିଂ ପ୍ରସ୍ତାବ ଦେଇଥିଲେ। ନ୍ୟୁଜିଲ୍ୟାଣ୍ଡର ପୂର୍ବତନ ଅଧିନାୟକ ବ୍ରେଣ୍ଡନ ମ୍ୟାକକାଲମ ମଧ୍ୟ କ୍ରେନ୍ସଙ୍କ ନାଁ ଏହି ଅଭିଯୋଗ କରିଛନ୍ତି। ଏହି ଅଭିଯୋଗ କେବେ ପ୍ରମାଣିତ ହୋଇପାରି ନାହିଁ। ଏହି ଅଭିଯୋଗ ଆସିବା ପରେ କ୍ରେନ୍ସ ଦେବାଳିଆ ହୋଇଯାଇଥିଲେ। ପରିବାର ଚଳାଇବା ପାଇଁ ଅକଲାଣ୍ଡର ଏକ ଆଶ୍ରୟସ୍ଥଳୀରେ ବସ ଧୋଇବାକୁ ପଡୁଥିଲା। କେବଳ ଏତିକି ନୁହେଁ, ସେ ଅକଲାଣ୍ଡ ନଗରପାଳିକା ପାଇଁ ଏକ ଟ୍ରକ ଚଲାଉଛନ୍ତି। ବସ୍ ଧୋଉଛନ୍ତି।
କ୍ରିସ କ୍ରେନ୍ସଙ୍କ କ୍ରିକେଟ କ୍ୟାରିୟର ବେଶ୍ ଲମ୍ବା ଥିଲା। ୧୯୮୯ରେ ଆନ୍ତର୍ଜାତୀୟ କ୍ରିକେଟରେ ପ୍ରବେଶ କରିଥିବା କ୍ରେନ୍ସ ନ୍ୟୁଜିଲାଣ୍ଡ ପାଇଁ ୬୨ଟି ଟେଷ୍ଟରେ ୩୩୨୦ ରନ ସଂଗ୍ରହ କରିବା ସହ ୨୧୮ଟି ଉଇକେଟ ନେଇଥିଲେ । ସେ ୨୧୫ଟି ଏକଦିବସୀୟରେ ୪୯୫୦ ରନ ସ୍କୋର କରିବା ସହ ୨୦୧ଟି ଉଇକେଟ ନେଇଥିଲେ। ଏହି ସମୟ ମଧ୍ୟରେ ସେ ଅନ୍ତର୍ଜାତୀୟ କ୍ରିକେଟରେ ୯ଟି ଶତକ ଏବଂ ୪୮ଟି ଅର୍ଦ୍ଧଶତକ ହାସଲ କରିଥିଲେ। ଟେଷ୍ଟରେ ସେ ୧୩ଥର ପାଞ୍ଚଟି ଉଇକେଟ ନେଇଛନ୍ତି ଏବଂ ଥରେ ମ୍ୟାଚରେ ୧୦ଟି ଉଇକେଟ ନେଇଛନ୍ତି।