ଖୋର୍ଦ୍ଧା ଅଫିସ,୩୦ା୯: ଖୋର୍ଦ୍ଧା ଜିଲା ବାଣପୁର ବ୍ଲକର କନିଷ୍ଠଯନ୍ତ୍ରୀ(ଜେଇ) ଦୁର୍ଗା ପ୍ରସାଦ ଦଳେଇ ୨୦ ହଜାର ଟଙ୍କା ଲାଞ୍ଚ ନେଇ ଭୁବନେଶ୍ୱର ଭିଜିଲାନ୍ସ ହାତରେ ସୋମବାର ଧରା ପଡିଛନ୍ତି। ଭିଜିଲାନ୍ସ ଦୁର୍ଗା ପ୍ରସାଦଙ୍କ ନଁାରେ ନଂ. ୪୨/୧୯ରେ ମାମଲା ରୁଜୁ କରି କୋର୍ଟ ଚାଲାଣ କରିଛି। ଜାମିନ ନାମଞ୍ଜୁର ପରେ ଦୁର୍ଗା ପ୍ରସାଦଙ୍କୁ ଝାରପଡା ଜେଲକୁ ପଠାଇ ଦିଆଯାଇଛି। ବାଣପୁରର ମସ୍ଜିଦ୍ର ଏକ ବିଲ୍ଡିଂ କରିବାକୁ ୨ଲକ୍ଷ ଟଙ୍କାର କାର୍ଯ୍ୟାଦେଶ ବାଣପୁରର ମଗବୁଲ କଳାପାହାଡ ପାଇଥିଲେ। ୨ ଲକ୍ଷ ଟଙ୍କାର ବିଲ୍ ମଞ୍ଜୁର ପାଇଁ ଜେଇ ଦୁର୍ଗା ପ୍ରସାଦ ୨୦ ହଜାର ଟଙ୍କା ଲାଞ୍ଚ ମାଗିଥିଲେ। ମଗବୁଲ୍ ହଁ କରି ଭୁବନେଶ୍ୱର ଭିଜିଲାନ୍ସ ସହ ଯୋଗାଯୋଗ କରିଥିଲେ। ସୋମବାର ଅପରାହ୍ନ ପ୍ରାୟ ୨ଟାରେ ବ୍ଲକ କାଯର୍ର୍ୟାଳୟ ଭିତରେ ମଗବୁଲ୍ ଲାଞ୍ଚ ଦେଇ ଫେରିବା ପରେ ଭିଜିଲାନ୍ସ ଲାଞ୍ଚ ଟଙ୍କା ଜବତ କରିଥିଲା। ଅନ୍ୟପକ୍ଷେ କିଛି କାଗଜପତ୍ର ମଧ୍ୟ ଅନୁରୂପ ଭାବେ ଜବତ ହୋଇଛି। ଭୁବନେଶ୍ୱର ଡିଭିଜନର ଭିଜିଲାନ୍ସ ଡିଏସ୍ପି ଅନୁପମା ମହାପାତ୍ର ଓ କେ.ବି. ଆଚାର୍ଯ୍ୟ ଚଢାଉର ନେତୃତ୍ୱ ନେଇଥିଲେ।