ପୁରୁଷୋତ୍ତମପୁର,୧୦।୧୦(ଡି.ଏନ୍.ଏ.): ଗଞ୍ଜାମ ଜିଲା ପୁରୁଷୋତ୍ତମପୁର ବ୍ଲକର ବିଭିନ୍ନ ବିଦ୍ୟାଳୟରେ କାର୍ଯ୍ୟରତ ୨୧ ଜଣ କନିଷ୍ଠ ଶିକ୍ଷକ ଶିକ୍ଷୟିତ୍ରୀଙ୍କୁ ନିୟମିତ ଶିକ୍ଷକ ଭାବରେ ମାନ୍ୟତା ମିଳିଛି। ଏହି ନିୟମିତ ଆଦେଶପତ୍ରକୁ ବ୍ଲକ ଶିକ୍ଷାଧିକାରୀ ହରେକୃଷ୍ଣ ପଣ୍ଡା ଶିକ୍ଷକ ଶିକ୍ଷୟିତ୍ରୀଙ୍କୁ ପ୍ରଦାନ କରି ନିଷ୍ଠାପରତାର ସହ କାର୍ଯ୍ୟ କରି ପିଲାଙ୍କୁ ଉଚିତ୍ମାର୍ଗରେ ଗଢ଼ି ତୋଳିବା ପାଇଁ ପରାମର୍ଶ ଦେଇଥିଲେ। ଏଥିରେ ଅତିରିକ୍ତ ବ୍ଲକ ଶିକ୍ଷାଧିକାରୀ ପ୍ରଦୀପ କୁମାର ଆଚାରୀ, ଅବନୀ ପଟ୍ଟନାୟକ, କନିଷ୍ଠ ଶିକ୍ଷକ ସଂଘର ସଭାପତି ହେମନ୍ତ ବେହେରା, ଉପସଭାପତି ବିଘ୍ନରାଜ ମହାପାତ୍ର, କୋଷାଧ୍ୟକ୍ଷ ବିନୋଦ ବେହେରା, ଜିଲାପରିଷଦ ଶିକ୍ଷକ ସଂଘର ସଭାପତି ଇ. ରମେଶ ପ୍ରମୁଖ ଉପସ୍ଥିତ ଥିଲେ।