ରମ୍ଭା,୨୨।୪: ୧୬ ନମ୍ବର ଜାତୀୟ ରାଜପଥରେ ରମ୍ଭା ପୋଲିସ ଯାନବାହାନ ଯାଞ୍ଚ ସମୟରେ ବ୍ରହ୍ମପୁରରୁ ଖୋର୍ଦ୍ଧା ଅଭିମୁଖେ ଯାଉଥିବା ଏକ ଟ୍ରକରୁ ବିଦେଶୀ ମଦ ଜବତ କରାଯାଇଛି। ଏକ ଟାଟା ଦଶ ଚକିଆ ଟ୍ରକ୍(ଓଡି – ୦୨, ଏଭି -୫୮୦୮)ରୁ ୨୨୦ ପେଟି ପ୍ରାୟ ୧୬ ଲକ୍ଷ ଟଙ୍କା ମୂଲ୍ୟର ବିଦେଶୀ ମଦ ଜବତ ହୋଇଥିବା ରମ୍ଭା ଥାନା ଆଇଆଇସି ଦୀପ୍ତି ରଞ୍ଜନ ବେହେରା ସୂଚନା ଦେଇଛନ୍ତି। ଏହି ଯାଞ୍ଚରେ ହୁମ୍ମା ଫାଣ୍ଡି ଅଧିକାରୀ ଦେବଦତ୍ତ ପ୍ରିୟଦର୍ଶୀ ମଧ୍ୟ ସହଯୋଗ କରିଥିଲେ। ଅଭିଯୁକ୍ତ ଗାଡି ମାଲିକ ଓ ଡ୍ରାଇଭର ସୁଦର୍ଶନ ବାରିକଙ୍କୁ ଗିରଫ କରାଯାଇ କେସ ନଂ -୧୫୮/୨୦୨୨ରେ ମାମଲା ରୁଜୁ କରାଯାଇଛି। ଶୁକ୍ରବାର ଉକ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଥିବା ଜଣାପଡ଼ିଛି।