ନୂଆଦିଲ୍ଲୀ,୬।୬: କରୋନା ସଂକ୍ରମଣ ଜନିତ ସମସ୍ୟାରୁ ଦେଶବାସୀଙ୍କୁ ସୁରକ୍ଷା ଦେବା ପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାର ମିଳିତ ଭାବେ ଲକ୍ଡାଉନ ଜାରି କରିବା ସହ ପର୍ଯ୍ୟାୟକ୍ରମେ ଏହାକୁ ବୃଦ୍ଧି କରିଥିଲେ। ଏହି କଟକଣା କାରଣରୁ ଦେଶରେ ସବୁ କିଛି ବନ୍ଦ ରହିଥିଲା। ଫଳରେ ବିକାଶ ଓ ଆର୍ଥିକ ମାନ୍ଦାବସ୍ଥାର ସୁଧାର ପାଇଁ ସରକାର ମଧ୍ୟ ପର୍ଯ୍ୟାୟ କ୍ରମେ କଟକଣାରେ କୋହଳ ମନୋଭାବ ଦେଖାଇଥିଲେ। କଟକଣା କୋହଳ ହେବା କାରଣରୁ ଉପତ୍ାଦନ କ୍ଷେତ୍ର ଧୀରେ ଧୀରେ ଖୋଲିବା ଆରମ୍ଭ କରିଛି। ସରକାରଙ୍କ କଟକଣା ସହ କୋଭିଡ୍-୧୯ ଗାଇଡ୍ଲାଇନ ଅନୁସାରେ ଗାର୍ମେଣ୍ଟ ୟୁନିଟ ଗୁଡିକ ଖୋଲିଛି। ମେ’ଶେଷ ସୁଦ୍ଧା ଦେଶର ପୋଷାକ ଶିଳ୍ପ ୨୨% ୟୁନିଟ ଉପତ୍ାଦନ ଆରମ୍ଭ କରିଛନ୍ତି। ପ୍ରତି ୟୁନିଟ ପ୍ରାୟତଃ ୨୫% କ୍ଷମତା ସହ କାର୍ଯ୍ୟ କରୁଛି। ଏହିସବୁ କମ୍ପାନୀର କର୍ମଚାରୀମାନେ ସାମାଜିକ ଦୂରତା ଓ ମାସ୍କ ବ୍ୟବହାର କରି କାମ କରୁଛନ୍ତି। ବିଭିନ୍ନ ୟୁନିଟ କୋଭିଡ୍-୧୯ ସାମଗ୍ରୀ ଯଥା ମାସ୍କ,ଗ୍ଲୋବ୍ସ,ପିପିଇ କିଟ୍ ଆଦି ଉପତ୍ାଦନ କରୁଥିବା ଗାର୍ମେଣ୍ଟ କମ୍ପାନୀ କହିଛନ୍ତି। ସରକାରଙ୍କ କରୋନା କଟକଣା କୋହଳ ପରେ ଉପତ୍ାଦନ କ୍ଷେତ୍ର ଖୋଲିବା ଆରମ୍ଭ କରିଛନ୍ତି। ଫଳରେ ପୋଷାକ ଶିଳ୍ପ ପ୍ରତି ଦେଖାଦେଇ ଥିବା ଦୁଶ୍ଚିନ୍ତା ଧୀରେ ଧୀରେ ଅନ୍ତ ହେଉଛି। ଏହା ସହ ଅର୍ଥନୀତି’ର ଅଭିବୃଦ୍ଧି ମଧ୍ୟ ଧିରେ ଧିରେ ବୃଦ୍ଧି ପାଉଛି ବୋଲି କ୍ଲଥିଙ୍ଗ୍ ମାନୁଫ୍ୟାକ୍ଚରିଂ ଆସୋସିଏଶଏନ ଅଫ ଇଣ୍ଡିଆ ମତ ପ୍ରକାଶ କରିଛି ।