୯ ମାର୍ଚ୍ଚ ୧୧୯୬ ମସିହାରେ ଭାରତ ଓ ପାକିସ୍ତାନ ଆଇସିସି ବିଶ୍ୱକପ୍ରେ ଦ୍ୱିତୀୟ ଥର ପାଇଁ ପରସ୍ପରକୁ ଭେଟିଥିଲେ। ଏହି ମ୍ୟାଚ୍ ଥିଲା ପାକିସ୍ତାନର କିମ୍ବଦନ୍ତୀ ଜାଭେଦ ମିଆଦିଙ୍କ କ୍ୟାରିୟରର ଅନ୍ତିମ ମ୍ୟାଚ୍ ଥିଲେ। ୧୯୯୬ ଐତିହାସିକ କ୍ୱାର୍ଟର ଫାଇନାଲ ମୁକାବିଲା ବାଙ୍ଗାଲୋରସ୍ଥିତ ଏମ୍. ଚିନ୍ନାସ୍ବାମୀ ଷ୍ଟାଡିୟମରେ ଖେଳାଯାଇଥିଲା। ମ୍ୟାଚ୍ ଦେଖିବା ପାଇଁ ଷ୍ଟାଡିୟମ ପୂରା ହାଉସଫୁଲ ଥିଲା। ଭାରତୀୟ ଦଳରେ ନବଜୋତ ସିଂ ସିଦ୍ଧୁ ଓ ସଚିନ ତେନ୍ଦୁଲକର, ଅନୀଲ କୁମ୍ବଲେଙ୍କ ଭଳି ଖେଳାଳି ଥିଲେ। ପାକିସ୍ତାନ ଦଳରେ ମିଆଁଦାଦ, ସଇଦ ଅନଓ୍ବର, ଇଞ୍ଜିମାମ ଉଲ ହକ୍, ଓ୍ବାକର ୟୁନୁସଙ୍କ ଭଳି ବିଶ୍ୱ ସ୍ତରୀୟ ଖେଳାଳି ରହିଥିଲେ। ମ୍ୟାଚ୍କୁ ୩୯ ରନ୍ରେ ଜିତି ଭାରତ ପାକିସ୍ତାନକୁ ଇଭେଣ୍ଟରୁ ବିଦା କରିଥିଲା। ପ୍ରଥମେ ବ୍ୟାଟିଂ କରି ୮ ଉଇକେଟ କ୍ଷତିରେ ୫୦ ଓଭରରେ ୨୮୭ ରନ୍ କରିଥିଲା। ଦଳ ପାଇଁ ସିଦ୍ଧୁ ୯୩ ଓ ସଚିନ ୩୧ ରନ୍ କରିଥିଲେ। ଦୁଇ ଓପନର ଆଉଟ୍ ହେବା ପରେ ଦଳୀୟ ସ୍କୋରବୋର୍ଡ ଧିମା ପଡ଼ିଯାଇଥିଲା। କିନ୍ତୁ ଇନିଂସ ଶେଷ ଆଡ଼କୁ ଅଜୟ ଜାଡେଜା ପ୍ରସିଦ୍ଧ ବୋଲର ଓ୍ବାକରଙ୍କୁ ଛେଛି ଦେଇଥିଲେ। ଓ୍ବାକରଙ୍କ ଅନ୍ତିମ ୨ ଓଭରରେ ସେ ୪୦ ରନ୍ କରିଥିଲେ। ଜାଡେଜା ୨୫ ବଲ ଖେଳି ୪୫ ରନ୍ କରିଥିଲେ। ପରେ କୁମ୍ବଲେ ଓ ଭେଙ୍କଟେଶ ପ୍ରସାଦ ଚମତ୍କାର ବୋଲିଂ ଯୋଗୁ ପାକିସ୍ତାନ ୨୪୮ ରନ୍ରେ ସୀମିତ ରହିଥିଲା। ଦୁହେଁ ୩ ଲେଖାଏ ଉଇକେଟ ହାତେଇଥିଲେ।