ନୂଆଦିଲ୍ଲୀ,୨୭-୭: କେନ୍ଦ୍ର ସରକାର ପରବର୍ତ୍ତୀ ପର୍ଯ୍ୟାୟରେ ଦେଶର ୨୦ରୁ ୨୫ ବିମାନବନ୍ଦରକୁ ଘରୋଇକରଣ କରିବେ ବୋଲି ଏୟାରପୋର୍ଟ ଅଥରିଟି ଅଫ୍ ଇଣ୍ଡିଆ(ଏଏଆଇ) ଅଧ୍ୟକ୍ଷ ଗୁରୁପ୍ରସାଦ ମହାପାତ୍ର ଶୁକ୍ରବାର ପ୍ରକାଶ କରିଛନ୍ତି। ଗତବର୍ଷ ପିପିପି ମୋଡ୍ରେ ଲକ୍ଷ୍ନୌ, ଅହମ୍ମଦାବାଦ୍, ଜୟପୁର, ମାଙ୍ଗାଲୋର, ଥିରୁଭାନନ୍ଥପୁରମ ଏବଂ ଗୁଆହାଟୀ ବିମାନବନ୍ଦରର ଘରୋଇକରଣ କରାଯାଇଥିଲା। ଫେବୃୟାରୀରେ ଅଡାନୀ ଗ୍ରୁପ୍ ୬ ବିମାନବନ୍ଦର ମଧ୍ୟରୁ ୫ର ନିଲାମ ନେଇଛି। ମହାପାତ୍ର କହିଛନ୍ତି ଯେ, ସରକାର ଇତିମଧ୍ୟରେ ୬ ବିମାନବନ୍ଦରର ଘରୋଇକରଣ କରିସାରିଛନ୍ତି। ବାର୍ଷିକ ୧୦ରୁ ୧୫ ଲକ୍ଷ ଯାତ୍ରୀ ଯାତାୟତ କରୁଥିବା ବିମାନବନ୍ଦରଗୁଡ଼ିକ ମଧ୍ୟରୁ ୨୦ରୁ ୨୫ର ଘରୋଇକରଣ ହେବ।