ରସୁଲପୁର,୨୦ା୯(ଡି.ଏନ.ଏ.):ଯାଜପୁର ଜିଲା ରସୁଲପୁର ବ୍ଲକ ଅଧୀନ ୨୮ପଞ୍ଚାୟତରେ ପ୍ରାୟ ୩୦ହଜାରରୁ ଊର୍ଦ୍ଧ୍ୱ ଚାଷୀ ପରିବାର ରାଜ୍ୟ ସରକାରଙ୍କ କାଳିଆ ଓ କେନ୍ଦ୍ର ସରକାରଙ୍କ ପ୍ରଧାନମନ୍ତ୍ରୀ କିଷାନ ଯୋଜନାରେ ଉପକୃତ ହେଉଛନ୍ତି ା ଏହି କ୍ରମରେ ସମଗ୍ର ବ୍ଲକ ଅଞ୍ଚଳରୁ ୧୭,୭୭୫ଚାଷୀ ପରିବାରକୁ ପ୍ରଧାନମନ୍ତ୍ରୀ କିଷାନ ଯୋଜନା ଜରିଆରେ ଆର୍ଥତ୍କ ସହାୟତା ମିଳୁଛି ା ସେଥିମଧ୍ୟରୁ ୭,୮୭୭ କୃଷକ ପରିବାରଙ୍କ ପ୍ରମାଣପତ୍ର କୃଷକ ଓଡ଼ିଶା ପୋର୍ଟାଲରେ ପଞ୍ଜୀକରଣ ହୋଇନାହିଁ ା ଏହି ପରିବାରଗୁଡିକ ଚଳିତ ମାସ ୨୫ତାରିଖ ସୁଧା ଅନ୍ଲାଇନରେ ନାମ ପଞ୍ଜୀକରଣ କରିବା ସହ ସେମାନଙ୍କ ପ୍ରମାଣପତ୍ରକୁ ଅପଡେଶନ କରିବାକୁ ହେବ ା ତା’ନ ହେଲେ ସଂପୃକ୍ତ ପରିବାର ପ୍ରଧାନମନ୍ତ୍ରୀ କିଷାନ ଯୋଜନାର ପରବର୍ତ୍ତି ସହାୟତାରୁ ବଞ୍ଚତ୍ତ ହେବେ ବୋଲି ବିଭାଗ ପକ୍ଷରୁ ସତର୍କ କରିଦିଆଯାଇଛି ା
ଉକ୍ତ କାର୍ଯ୍ୟକୁ ପଞ୍ଚାୟତସ୍ତରରେ ତ୍ୱରାନ୍ବିତ କରିବା ସହ ଅପଡେଶନରୁ ବଞ୍ଚତ୍ତ ଥିବା ଚାଷୀମାନଙ୍କ ପାଖରେ ଏହି ସୂଚନା ପହଞ୍ଚାଇବା ପାଇଁ ବିଭାଗ ପକ୍ଷରୁ ତପତ୍ରତା ପ୍ରକାଶ ପାଇଛି ା ଏ ଦିଗରେ ପଞ୍ଚାୟତର ଜନପ୍ରତିନିଧି, ଗ୍ରାମ କୃଷି କର୍ମଚାରୀ, କୃଷକ ସାଥୀମାନେ ଚାଷୀମାନଙ୍କୁ ଅବଗତ କରାଇବାକୁ କୁହାଯାଇଛି ା ଚାଷୀମାନେ ଘରେ ବସି ଅନ୍ଲାଇନରେ କୃଷକ ଓଡିଶା ପୋର୍ଟାଲ ସାଇଟ୍କୁ ଯାଇ ସେମାନଙ୍କ ପ୍ରମାଣପତ୍ର ଅପ୍ଲୋଡ କରିବା ସହ ଅପ୍ଡେଟ୍ କରିପାରିବେ ା ଏହା ବ୍ୟତୀତ ଏହି କାର୍ଯ୍ୟ ପ୍ରତ୍ୟେକ ଜନସେବା କେନ୍ଦ୍ର, ମୋସେବା କେନ୍ଦ୍ର, ଜନସୁବିଧା କେନ୍ଦ୍ର ଆଦି ସ୍ଥାନରେ କରାଯାଇ ପାରିବ ା ଏହାଛଡା ଯେଉଁ ଚାଷୀମାନେ ଚାହିଁବେ କୃଷି କାର୍ଯ୍ୟାଳୟକୁ ନିଜର ପ୍ରମାଣପତ୍ର ଧରି ଆସିଲେ ସେମାନଙ୍କ ନାମକୁ ପଞ୍ଜୀକରଣ କରିବାର ସୁବିଧା ରହିଛି ବୋଲି ବିଭାଗ ପକ୍ଷରୁ ସୂଚନା ଦିଆଯାଉଛି ା
ଚାଷୀ ପରିବାରକୁ ବିଭିନ୍ନ ସହାୟତା ମିଳିବା ପାଇଁ ରାଜ୍ୟ ଓ କେନ୍ଦ୍ର ସରକାରଙ୍କ ପକ୍ଷରୁ ଚାଷୀମାନଙ୍କୁ କେୱାଇସି(ନୋ ୟୋର କଷ୍ଟମର), ଗୋ-ସୁଗମ ଆପ୍, କୃଷକ ଓଡିଶା ପୋର୍ଟାଲ ଭଳି ନାନା ୱେବ ସାଇଟ୍ରେ ନାମ ପଞ୍ଜୀକରଣ କରିବା ପାଇଁ ପରାମର୍ଶ ଦିଆଯାଉଛି ା ତେବେ ପ୍ରଧାନମନ୍ତ୍ରୀ କିଷାନ ଯୋଜନା ପାଇଁ କେୱାସି ଫର୍ମ ଦାଖଲ କରିବା ପାଇଁ ଚଳିତବର୍ଷ ୩୧ ଅକ୍ଟୋବରକୁ ସମୟସୀମା ଧାର୍ଯ୍ୟ କରାଯାଇଛି ା ଏହି କାର୍ଯ୍ୟ ଜାରି ରହିଥିବା ବେଳେ କୃଷକ ଓଡିଶା ପୋର୍ଟାଲରେ ଜମିଜମା ସମ୍ପର୍କିତ ତଥ୍ୟ ବହୁ ଚାଷୀ ପରିବାରରେ ଉପଲବ୍ଧ ନ ଥିବା ନେଇ ରାଜ୍ୟ ସରକାରଙ୍କ ପକ୍ଷରୁ ସୂଚାଇ ଦିଆଯାଇଛି ା ଏହି ହିସାବରେ ରସୁଲପୁର ବ୍ଲକରୁ ୭,୮୭୭ଚାଷୀ ପରିବାରଙ୍କ ପ୍ରମାଣପତ୍ର ସମ୍ପର୍କିତ ସୂଚନା କୃଷକ ଓଡ଼ିଶା ପୋର୍ଟାଲରେ ଉପଲବ୍ଧ ନାହିଁ ବୋଲି ଜଣାପଡିଛି ା ଉକ୍ତ କୃଷକ ପରିବାରଗୁଡିକ ଆଧାର, ବ୍ୟାଙ୍କ ଜମାଖାତା, ଜମିପଟ୍ଟା, ପାସପୋର୍ଟ ଫଟୋ ନେଇ କୃଷକ ଓଡିଶା ପୋର୍ଟଲାରେ ନାମ ପଞ୍ଜୀକରଣ କରିବାକୁ ହେବ ା ଅପଡେଶନ ନ କଲେ ସମ୍ପୃକ୍ତ ପରିବାର କେୱାସି ଫର୍ମ ଦାଖଲ କରିପାରିବେ ନାହିଁ ା ଏଥିରେ ବ୍ୟତିକ୍ରମ ଘଟିଲେ କାଳିଆ ଓ ପ୍ରଧାନମନ୍ତ୍ରୀ କିଷାନ ସହାୟତାରୁ ବଞ୍ଚତ୍ତ ହେବାର ଆଶଙ୍କା ପ୍ରକାଶ ପାଇଛି ା