ଇଟାଲୀର ଏକ ମଧ୍ୟଯୁଗୀୟ ଗାଁ। ଯାହା ୨୬ ବର୍ଷ ଧରି ପାଣି ଭିତରେ ବୁଡ଼ିରହିଛି। ଏହାକୁ ‘ଭୂତ ଗାଁ’ କୁହାଯାଏ। ଦୀର୍ଘଦିନ ଧରି ଏହି ଗାଁ ପାଣି ଭିତରେ ବୁଡ଼ି ରହିଥିଲା। ବର୍ତ୍ତମାନ ଏହା ବାହାରକୁ ଦେଖାଗଲାଣି। ଇଟାଲୀ ଗ୍ରାମ ଫେବ୍ରିଶ୍ ଡି କ୍ୟାରିନ୍ ୧୩୦୦ ଶତାବ୍ଦୀରେ ଲୁହା ଉତ୍ପାଦନ ପାଇଁ ପ୍ରସିଦ୍ଧ ଥିଲେ। ୧୯୪୭ ମସିହାରେ ଏକ ଜଳ ବିଦ୍ୟୁତ୍ ବନ୍ଧ ନିର୍ମାଣ କରାଯାଇଥିଲା। ଫଳରେ ସେହି ଗ୍ରାମବାସୀଙ୍କୁ ନିକଟସ୍ଥ ଭାଗ୍ଲି ଡି ସୋଟୋ ଗ୍ରାମକୁ ନିଆଯାଇଥିଲା। ଏହା ପରେ ଏହି ସୁନ୍ଦର ଗାଁଟି ସବୁଦିନ ପାଇଁ ପାଣି ଭିତରେ ରହିଗଲା। ଯାହାକି କୃତ୍ରିମ ରୂପରେ ତିଆରି ହୋଇଥିବା ହ୍ରଦ ଭିତରେ ବୁଡ଼ିଗଲା। ଯଦିଓ ଗାଁଟି ପାଣିରେ ବୁଡ଼ି ରହିଥିଲା, ଆଜି ବି ଏହି ଗାଁର କୋଠା, ଶ୍ମଶାନ, ବ୍ରିଜ୍ ଏବଂ ଚର୍ଚ୍ଚ ସବୁ ଠିକ୍ ରହିଛି। ଯାହା ଅବିଶ୍ୱସନୀୟ। କୁହାଯାଏ, ଏହି ଗାଁରେ ଅତୃପ୍ତ ଆତ୍ମା ଏବଂ ଭୂତ ଥିଲେ। ତେଣୁ ଏହାକୁ ହ୍ରଦରେ ବୁଡ଼ାଇଦେଲା। ଯେହେତୁ ଏହି ଡ୍ୟାମ ନିର୍ମାଣ ହୋଇଛି, ରକ୍ଷଣାବେକ୍ଷଣ କାର୍ଯ୍ୟ ପାଇଁ ଡ୍ୟାମ୍କୁ ୪ ଥର ଖାଲି କରାଯାଇଛି। ୧୯୫୮, ୧୯୭୪, ୧୯୮୩ ଏବଂ ୧୯୯୪ରେ ଉକ୍ତ ଡ୍ୟାମ୍କୁ ଖାଲି କରାଯାଇଥିଲା। ଫଳରେ ଲୋକେ ଗାଁଟିକୁ ଦେଖିବାକୁ ପାଇଥିଲେ। ଶେଷଥର ପାଇଁ ୧୯୯୪ରେ ଗାଁଟିକୁ ଦେଖିବା ପାଇଁ ହଜାର ହଜାର ଲୋକ ଆସିଥିଲେ। ସେହି ସମୟରେ ନିଆଯାଇଥିବା ଗାଁର ଫଟୋରୁ ସ୍ପଷ୍ଟ ଭାବେ ଜଣାପଡୁଛି ଘରର କାନ୍ଥଗୁଡ଼ିକ ଆଜି ବି ସୁରକ୍ଷିତ ଅବସ୍ଥାରେ ରହିଛି।
ଭାଗଲି ଡି ସୋଟୋର ପୂର୍ବତନ ମେୟରଙ୍କ ଝିଅ କୁହନ୍ତି, ପୁଣି ଥରେ ଏହି ଗାଁ ସମସ୍ତଙ୍କ ସାମ୍ନାକୁ ଆସିଛି। ଆସନ୍ତାବର୍ଷ ଏହି ହ୍ରଦ ଖାଲି ହେବ ବୋଲି ଫେସ୍ବୁକ ପୋଷ୍ଟରେ ଲୋରେଞ୍ଜା ଜିଓର୍ଗି ଦାବି କରିଛନ୍ତି। ସେ ତାଙ୍କ ଫେସ୍ବୁକ୍ ପୋଷ୍ଟରେ ଲେଖିଛନ୍ତି, ‘ମୁଁ ସୂଚନା ଦେଉଛି ଯେ, ଆସନ୍ତା ବର୍ଷ ଅର୍ଥାତ ୨୦୨୧ ମସିହାରେ ୱାଗାଲି ହ୍ରଦକୁ ସ୍ଥାନାନ୍ତର କରାଯିବ। ସେ ଆହୁରି କହିଛନ୍ତି, ମୋ’ ବାପା ମେୟର ଥିବା ବେଳେ ୧୯୯୪ରେ ଏହି ଗାଁକୁ ଲୋକେ ଦେଖିବାକୁ ପାଇଥିଲେ। ବାପା ମୋତେ କହିଥିଲେ ଏତେ ସଂଖ୍ୟକ ଲୋକଙ୍କୁ ଆକର୍ଷିତ କରିବା କଷ୍ଟସାଧ୍ୟ ଥିଲା। ପ୍ରଶାସନ ଉପରେ ବୋଝ ନ ହୋଇ ଏହିସବୁ କରାଯାଇଥିଲା। ମୁଁ ଆଶା କରୁଛି ଯେ, ଆସନ୍ତା ବର୍ଷ ସୋସିଆଲ ନେଟ୍ୱାର୍କ ସାହାଯ୍ୟରେ ଆମେ ଅତୀତର ସଫଳତା ହାସଲ କରିପାରିବା। ପୂର୍ବପରି ଗାଁରେ ପୁଣି ଜନବସତି ଗଢ଼ିଉଠିବ।