ନୂଆଦିଲ୍ଲୀ,୧୭।୯: ଜମ୍ମୁ-କଶ୍ମୀରର ସ୍ଥିତି ସ୍ବାଭାବିକ ହେବା ସହିତ ଏଠାରେ ଆତଙ୍କବାଦ ବିରୋଧୀ କାର୍ଯ୍ୟକ୍ରମ ଜାରି ରହିଛି। ଏହା ଅନ୍ତର୍ଗତ ସ୍ଥାନୀୟ ଯୁବକଙ୍କୁ ସେନା ଓ ପୋଲିସରେ ନିଯୁକ୍ତି କାର୍ଯ୍ୟକ୍ରମକୁ ସରକାର ହାତକୁ ନେଇଛନ୍ତି। ଏଥିରେ ୨୭ ଶହ ଯୁବକଙ୍କୁ ନିଯୁକ୍ତି ମିଳିବ ବୋଲି କୁହାଯାଉଛି। ଆସନ୍ତା ଅକ୍ଟୋବରରେ ଏଠାରେ ଲାଇଟ୍ ଇନଫେଣ୍ଟ୍ରି ରେଜିମେଣ୍ଟ୍ ପକ୍ଷରୁ ନିଯୁକ୍ତି ରାଲି ଅନୁଷ୍ଠିତ ହେବ। ତାଲିମ୍ ପରେ ପ୍ରଥମ ପର୍ଯ୍ୟାୟରେ ୭ ଶହ ଯୁବକ ନଭେମ୍ବରରେ ସେନାରେ ଯୋଗଦେବେ ବୋଲି ଜମ୍ମୁ-କଶ୍ମୀର ଲାଇଟ୍ ଇନଫେଣ୍ଟ୍ରି ରେଜିମେଣ୍ଟ ବ୍ରିଗେଡିୟର ଏସ୍.ଶର୍ମା ସୂଚନା ଦେଇଛନ୍ତି।