ଗୁଆହାଟୀ,୧୧ା୬(ଆଇଏଏନ୍ଏସ୍): ଆସାମର ତିନସୁକିଆ ଜିଲାରେ ଥିବା ଏକ ତୈଳକୂପରେ ବୁଧବାର ନିଆଁ ଲାଗିଯିବାରୁ ଅଏଲ୍ ଇଣ୍ଡିଆ ଲିଃ (ଓଆଇଏଲ୍)ର ୨ ଆଗ୍ନିକଙ୍କ ମୃତ୍ୟୁ ଘଟିଛି। ନିକଟରେ ଥିବା ବହୁ ଘର ଧ୍ୱଂସ ହୋଇଯାଇଛି। ହଜାର ହଜାର ଲୋକଙ୍କୁ ନିରାପଦ ସ୍ଥାନକୁ ସ୍ଥାନାନ୍ତର କରାଯାଇଛି। ମଙ୍ଗଳବାର ଅପରାହ୍ଣରେ ଅଗ୍ନିକାଣ୍ଡ ଘଟିବାବେଳେ ଦୁଇ ଆଗ୍ନିକ ଦୁର୍ଲଭ ଗୋଗୋଇ ଓ ତିଖେଶ୍ୱର ଗୋହେନ୍ ନିଖୋଜ ହୋଇଯାଇଥିଲେ। ପ୍ରବଳ ଧୂଆଁରେ ଶ୍ୱାସରୁଦ୍ଧ ହୋଇ କିମ୍ବା ପାଖ ପୁଷ୍କରିଣୀରେ ବୁଡ଼ି ଆଗ୍ନିକଙ୍କର ମୃତ୍ୟୁ ଘଟିଥାଇପାରେ ବୋଲି କୁହାଯାଉଛି। ଏନ୍ଡିଆର୍ଏଫ୍ କର୍ମଚାରୀ ଡ୍ରୋନ୍ ସହାୟତାରେ ମୃତଦେହ ଠାବ କରିଥିଲେ। ଅନ୍ୟଜଣେ ଆଗ୍ନିକ ଗୁରୁତର ଆହତ ହୋଇଥିବା ଜଣାପଡିଛି।