ଆସିକା,୫ା୬(ଡି.ଏନ୍.ଏ.)- ଗଞ୍ଜାମ ଜିଲା ଆସିକା-ଭଞ୍ଜନଗର ମୁଖ୍ୟରାସ୍ତା ନିକଟ ଗାଙ୍ଗପୁର ଠାରେ ବେଆଇନଭାବେ ଚାଲିଥିବା ଦୁଇଟି ଖଇନି କମ୍ପାନୀ ଉପରେ ଶୁକ୍ରବାର ଗାଙ୍ଗପୁର ପୋଲିସ ଚଢାଉ କରିଥିଲା। ସେଠାରୁ ବିପୁଳ ପରିମାଣର ଖଇନି, ଖଇନି ପ୍ରସ୍ତୁତିରେ ବ୍ୟବହୃତ କଞ୍ଚାମାଲ ଓ ଯନ୍ତ୍ରପାତି ଜବତ କରିବା ସହ ୩ଜଣଙ୍କୁ ଗିରଫ କରିଛି। ସେମାନେ ହେଲେ ହେଲେ ସୁରେନ୍ଦ୍ର ସ୍ବାଇଁ, ଶଙ୍କର ପାତ୍ର ଓ ଦୁର୍ଯ୍ୟୋଧନ ନାୟକ।
ଗାଙ୍ଗପୁର ଠାରେ ବେଆଇନ ଖଇନି କମ୍ପାନୀ ଚାଲିଥିବା ଗାଙ୍ଗପୁର ପୋଲିସକୁ ଖବର ମିଳିଥିଲା। ଭଞ୍ଜନଗର ସିଡିପିଓ ଶୁଭ୍ରାଂଶୁ ଶେଖର ମିଶ୍ରଙ୍କ ନେତୃତ୍ୱରେ ଥାନା ଅଧିକାରୀ ଧୀରେଶ କୁମାର ଦାସ ଶସସ୍ତ୍ର ପୋଲିସ ଫୋର୍ସ ସହ ଶୁକ୍ରବାର ଭୋର୍ରୁ ଚଢାଉ କରିଥିଲେ ା ସେଠାରୁ ୨୫ ହଜାରରୁ ଉର୍ଦ୍ଧ୍ୱ ଖଇନି ପ୍ୟାକେଟ, ୧୫୦ ବସ୍ତାରୁ ଉର୍ଦ୍ଧ୍ୱ ଧୂଅଁାପତ୍ର, ଚୁନ ଓ ଅନ୍ୟ କଞ୍ଚାମାଲ ଜବତ କରିଥିଲେ। ଜବତ ଯନ୍ତ୍ରପାତି ମଧ୍ୟରେ ଖଇନି ମିକ୍ସଚର ମେଶିନ୍, ସିଲିଂ ମେଶିନ୍ ଓ ଓଜନ ଯନ୍ତ୍ର ରହିଛି। ଯାହାର ଆନୁମାନିକ ମୂଲ୍ୟ ୨୫ଲକ୍ଷ ଟଙ୍କା ହେବ ବୋଲି ଥାନାଧିକାରୀ କହିଛନ୍ତି। ଏହି ମାମଲାରେ ପୋଲିସ ଦୁଇଟି କାରଖାନାର ୩ଜଣଙ୍କୁ ଗିରଫ କରିଥିବାବେଳେ ଅନ୍ୟ ୨ଜଣ ଖସି ପଳାଇଥିଲେ। ଏନେଇ ଗାଙ୍ଗପୁର ଥାନାରେ ନଂ.୧୫୦ ଓ ୧୫୧/୨୦ରେ ଦୁଇଟି ପୃଥକ ମାମଲା ରୁଜୁ ହୋଇଛି।
