ବଇଣ୍ଡା,୨୨।୯(ଡି.ଏନ.ଏ.)-ଅନୁଗୋଳ ଜିଲା ଠାକୁରଗଡ଼ ଥାନା ଅଞ୍ଚଳର ୧୭ ବର୍ଷିୟା ୨ ଜଣ ନାବାଳିକାଙ୍କୁ ଅପହରଣ କରି ନେଇଥିବା ଅଭିଯୋଗରେ ପୋଲିସ ରବିବାର ୫ ଜଣଙ୍କୁ ଗିରଫ କରିଛି। ସେମାନେ ହେଲେ କଳାପାଟନାଳୀ ଗ୍ରାମର ସିପୁନ ରାଜହଂସ, ମିଟୁ ସାହୁ, ବିକାଶ ବାରିକ, କାହ୍ନା ବେହେରା, ମୁନା ନାୟକ। ଏ ନେଇ କେସ ନଂ. ୯୭/୧୯ରେ ଏକ ମାମଲା ରୁଜୁ କରାଯାଇ ଗିରଫ ଅଭିଯୁକ୍ତଙ୍କୁ ଆଠମଲ୍ଲିକ କୋର୍ଟ ଚାଲାଣ କରାଯାଇଛି।
ପୋଲିସ କହିଛି, ଘର ସାମ୍ନାରେ ୨ନାବାଳିକା ବୁଲୁଥିବାବେଳେ ସେମାନଙ୍କୁ ୨ଟି ବାଇକରେ ବସାଇ ଅପହରଣ ହୋଇଥିବା ଅଭିଯୋଗ ହୋଇଥିଲା। ପୋଲିସ ବ୍ୟବହୃତ ହୋଇଥିବା ୨ଟି ବାଇକ ଜବତ କରିଛି।