ପୋଲସରା,୩ା୬(ଡି.ଏନ.ଏ.)- ଗୋଷ୍ଠୀ ସଂକ୍ରମଣ ଆଶଙ୍କାରେ ପୋଲସରା ବ୍ଲକ କେନ୍ଦୁବାଡି ଗ୍ରାମକୁ ମଙ୍ଗଳବାର ଶଟ୍ଡାଉନ୍ ଘୋଷଣା କରାଯାଇଛି। ୨ ପଜିଟିଭ ଚିହ୍ନଟ ଓ ସେମାନେ ବହୁ ଲୋକଙ୍କ ସଂସ୍ପର୍ଶରେ ଆସିଥିବାରୁ ଏପରି ପଦକ୍ଷେପ ନିଆଯାଇଛି।
ମଙ୍ଗଳବାର ପୋଲସରା ବିଡ଼ିଓ ଶମ୍ଭୁନାଥ ନନ୍ଦୀ ଓ ତହସିଲଦାର ସୁକାନ୍ତ ଚନ୍ଦ୍ର ମିଶ୍ର କେନ୍ଦୁବାଡିରେ ପହଞ୍ଚତ୍ ସରପଞ୍ଚ ବିଜୟ କୁମାର ସ୍ବାଇଁଙ୍କ ସହିତ ଆଲୋଚନା କରିଥିଲେ। ପରେ ନିଜ ପଞ୍ଚାୟତକୁ ଗୋଷ୍ଠୀ ସଂକ୍ରମଣରୁ ରକ୍ଷା ପାଇଁ ସରପଞ୍ଚ ଜିଲାପାଳ କ୍ଷମତା ପ୍ରୟୋଗ କରି ୮ ଦିନ ପାଇଁ ଶଟ୍ଡାଉନ ଘୋଷଣା କରିଛନ୍ତି। ପୂର୍ବରୁ ଏହି ପଞ୍ଚାୟତର ଜଣେ ଗର୍ଭବତୀ କରୋନା ପଜିଟିଭ ଚିହ୍ନଟ ହୋଇଥିବାବେଳେ ଏବେ ପୁଣି ୨ ପଜିଟିଭ ଚିହ୍ନଟ ଚିନ୍ତା ବଢାଇଛି। ତୁରନ୍ତ ସମ୍ପୂର୍ଣ୍ଣ ପଞ୍ଚାୟତକୁ ବିଶୋଧନ କରିବା ସହ ସ୍ବାବ୍ ଟେଷ୍ଟ ବ୍ୟାପକ କରିବାକୁ ଦାବି ହେଉଛି।