ବାରିପଦା ଅଫିସ,୩୧ା୧- ବାରିପଦା ସହର ସ୍ଥିତ ଅମ୍ବିକା ମନ୍ଦିରରେ ଗୁରୁବାର ଓଡ଼ିଆ ଚଳଚ୍ଚିତ୍ର ‘କକୁକୁଲା’ ଓ ଇଂଲିଶ ଫିଲ୍ମ ‘ଦି ଲାଷ୍ଟ ହେଲପ୍’ର ଶୁଭ ମହୁରତ ହୋଇଛି। ଏହି କାର୍ଯ୍ୟକ୍ରମକୁ ସିନେ ପ୍ରଯୋଜକ ତଥା ଅଭିନେତା ପ୍ରଦ୍ୟୁମ୍ନ ଲେଙ୍କା ଆନୁଷ୍ଠାନିକ ଭାବେ ଉଦ୍ଘାଟନ କରି ପ୍ରଥମ କ୍ଲାପ ଦେଇଥିଲେ। ଅନ୍ୟମାନଙ୍କ ମଧ୍ୟରେ ଅଭିନେତା ଜର୍ଜ ତିଆଡ଼ି, କ୍ୟାମେରା ମ୍ୟାନ ରଞ୍ଜନ ମିଶ୍ର, ସୁଶୀଲ ମିଶ୍ର, ପ୍ରଶାନ୍ତ ପତି, ଶିବ ପୂଜାପଣ୍ଡା, ଶାନ୍ତନୁ ଶତପଥୀ, ମଳୟ ମିଶ୍ର ପ୍ରମୁଖ ଉପସ୍ଥିତ ଥିଲେ। ଯୁବ ପ୍ରଯୋଜକ ହରିଶଚନ୍ଦ୍ର ବେହେରାଙ୍କ ଦ୍ୱାରା ପ୍ରାୟୋଜିତ ଦୁଇଟି ଫିଲ୍ମ ମଧ୍ୟରୁ ଓଡ଼ିଆ ଫିଲ୍ମକୁ ସୁବ୍ରତ ପଟ୍ଟନାୟକ ଓ ଇଂରାଜୀ ଫିଲ୍ମକୁ ଚିନ୍ମୟ ଦାସପଟ୍ଟନାୟକ ନିର୍ଦ୍ଦେଶନା ଦେଉଛନ୍ତି । ଖୁବ ଶୀଘ୍ର ଏହି ଦୁଇଟି ଫିଲ୍ମର ଶୁୁଟିଂ ମୟୂରଭଞ୍ଜ ଜିଲାରେ ଆରମ୍ଭ ହେବ ବୋଲି ସୂଚନା ଦିଆଯାଇଛି । ପୂର୍ଣ୍ଣଚନ୍ଦ୍ର ବିନ୍ଧାଣି, ସରୋଜ ପଟ୍ଟନାୟକ, ଅସିତ ପତି, ସ୍ବରାଜ ବାରିକ, ରଣଜିତ ବାରିକ, ସଞ୍ଜୀବ ଦ୍ବିବେଦୀ, ସୁନୀଲ ଜେନା, ଉମେଶ ପଟ୍ଟନାୟକ, ଡା. ପୁଷ୍ପା ପାତ୍ର, ଡା. ଅସୀମା ସାହୁ, ଶାନ୍ତନୁ ସିଂ ଓ ତାପସ ପାଢ଼ୀ ପ୍ରମୁଖ ଉପସ୍ଥିତ ଥିଲେ।