ସ୍ବର୍ଗୀୟ ଅଭିନେତା ଇରଫାନ୍ ଖାନ୍ଙ୍କ ଅଭିନୀତ ଫିଲ୍ମ ‘ଅଂଗ୍ରେଜୀ ମିଡିୟମ’ କରୋନା ସଂକ୍ରମଣ ପାଇଁ ଭାରତୀୟ ସିନେମା ହଲ୍ରେ ରିଲିଜ୍ ହୋଇପାରି ନାହିଁ। ଏହା ଡିଜିଟାଲ ପ୍ଲାଟଫର୍ମରେ ମୁକ୍ତିଲାଭ କରିଥିଲା। ଏହାକୁ ଦର୍ଶକ ବହୁତ ପସନ୍ଦ ମଧ୍ୟ କରିଛନ୍ତି। ଏବେ ଏହି ଫିଲ୍ମ ଦୁବାଇ ସିନେମା ହଲ୍ରେ ରିଲିଜ୍ ହେବାକୁ ଯାଉଛି। ପ୍ରାୟ ୨ ମାସ ପରେ ସରକାରଙ୍କ କିଛି କଟକଣା କୋହଳ ପରେ ମେ’ ୨୭ରେ ହଲ୍ ଖୋଲିଛି। ସେଠାରେ ଫିଲ୍ମ ରିଲିଜ୍ ହେବ ବୋଲି ଜଣାପଡ଼ିଛି।
ଅଂଗ୍ରେଜୀ ମିଡିୟମ୍ ଇରଫାନ୍ଙ୍କ ଅଭିନୀତ ଶେଷ ଫିଲ୍ମ। ଏହାର ପ୍ରମୋଶନ ଅବସରରେ ଇରଫାନ୍ ନିଜେ ଏକ ଭିଡିଓ ଜାରିକରି କହିଥିଲେ, ସେ ରୁହନ୍ତୁ ବା ନ ରୁହନ୍ତୁ କିନ୍ତୁ ତାଙ୍କର ଏହି ଫିଲ୍ମକୁ ଦର୍ଶକ ପସନ୍ଦ କରନ୍ତୁ।