ବଲାଙ୍ଗୀର ଅଫିସ, ୧ା୬: ବଲାଙ୍ଗୀର ରେଳଷ୍ଟେଶନ୍ରେ ରବିବାର ରାତିରେ ୨ଟି ଶ୍ରମିକ ସ୍ପେଶାଲ ଟ୍ରେନ୍ ପହଞ୍ଚିଥିଲା। ତାମିଲନାଡୁର ତିରପୁରରୁ ରାଉରକେଲା ଯାଉଥିବା ଶ୍ରମିକ ସ୍ପେଶାଲ ଟ୍ରେନ୍ ରାତି ୯ଟାରେ ଏଠାରେ ପହଞ୍ଚିଥିଲେ। ଏଥିରେ ବଲାଙ୍ଗୀର ଜିଲାର ୨୭୧, ବରଗଡର ୧୩୨, ସୁବର୍ଣ୍ଣପୁରର ୬୬, ବୌଦ୍ଧର ୮, କଳାହାଣ୍ଡିର ୮୪, ନୂଆପଡାର ୩୫ ଏଭଳି ସମୁଦାୟ ୫୯୬ ଜଣ ଏହି ଷ୍ଟେଶନ୍ରେ ଓହ୍ଳାଇଥିଲେ। ମହାରାଷ୍ଟ୍ର ଏଲଟିଇ ଷ୍ଟେଶନ୍ରୁ ବାଲେଶ୍ୱର ଯାଉଥିବା ଏହି ଟ୍ରେନ୍ରୁ ୪୯ ଜଣ ପ୍ରବାସୀ ବଲାଙ୍ଗୀର ରେଳଷ୍ଟେଶନ୍ରେ ଓହ୍ଳାଇଥିଲେ। ଏଥିରେ ବଲାଙ୍ଗୀରର ୨୯, କଳାହାଣ୍ଡିର ୧୮ ଓ ନୂଆପଡାର ୨ ଜଣ ଓହ୍ଳାଇଥିଲେ। ଜିଲାପାଳ ଅରିନ୍ଦମ ଡାକୁଆ, ଏସପି ସନ୍ଦୀପ ମାଡକର, ଉପଜିଲାପାଳ ସଞ୍ଜୟ କୁମାର ମିଶ୍ର, ମ୍ୟୁନିସିପାଲିଟି ନିର୍ବାହୀ ଅଧିକାରୀ ବିପିନ ଦୀପ, ଜିଲା ସୂଚନା ଓ ଲୋକସମ୍ପର୍କ ଅଧିକାରୀ ଜୟଦେବ ପାଣିଗ୍ରାହୀ ଉପସ୍ଥିତ ରହି ସମସ୍ତ କାର୍ଯ୍ୟ ପରିଚାଳନା କରିଥିଲେ। ସମସ୍ତ ପ୍ରବାସୀଙ୍କ ଥର୍ମାଲ ସ୍କାନିଂ କରାଯିବା ପରେ ସମସ୍ତଙ୍କୁ ଷ୍ଟାମ୍ପ ଲାଗାଯାଇଥିଲା । ଏହାପରେ ସମସ୍ତଙ୍କୁ ଖାଦ୍ୟ ଓ ପାନୀୟ ଦେଇ ବସ୍ ଯୋଗେ ନିଜ ନିଜ ଜିଲାର କ୍ୱାରାଣ୍ଟାଇନ୍ ସେଣ୍ଟରକୁ ପଠାଯାଇଥିଲା ।