ମୁମ୍ବାଇ,୨୩-୭: ବିଶ୍ୱ ଶେୟାର ବଜାରରେ ନିବେଶକଙ୍କ ନକରାମତ୍କ ମନୋଭାବର ପ୍ରତିଫଳନ ଘରୋଇ ଷ୍ଟକ୍ ବଜାର ଉପରେ ପଡିଛି। କ୍ରମାଗତ ତିନି ଦିନ ଧରି ସେନ୍ସେକ୍ସ ଓ ନିଫ୍ଟି ହ୍ରାସ ପାଇବା କାରଣରୁ ନିବେଶକମାନେ ୪ ଲକ୍ଷ କୋଟି ଟଙ୍କା ହରାଇ ସାରିଲେଣି। ବିଏସ୍ଇ ସେନସେକ୍ସ ଜୁଲାଇ ୧୮ରୁ ଅଦ୍ୟାବଧି ୩.୦୫% ଅର୍ଥାତ୍ ୧୧୮୪.୧୫ ପଏଣ୍ଟ ହ୍ରାସ ପାଇଛି। ୩୦ ଶେୟାର ବିଶିଷ୍ଟ ସେନସେକ୍ସ ସୋମବାର ୩୦୫.୮୮ ପଏଣ୍ଟ ହ୍ରାସ ପାଇ ୩୮,୦୩୧.୧୩ରେ ବନ୍ଦ ହୋଇଛି। ସେନ୍ସେକ୍ସର ଏହି ସ୍ତର ମେ’ ୧୭ ପରେ ସର୍ବନିମ୍ନ। ସେହିପରି ନ୍ୟାଶନାଲ ଷ୍ଟକ୍ ଏକ୍ସଚେଞ୍ଜ ନିଫ୍ଟି ମଧ୍ୟ ୮୨.୧୦ ପଏଣ୍ଟ ହ୍ରାସ ପାଇ ୧୧,୩୩୭.୧୫ରେ ବନ୍ଦ ହୋଇଛି। ଗତ ୩ ଦିନରେ ବିଏସ୍ଇରେ ତାଲିକାଭୁକ୍ତ କମ୍ପାନୀଙ୍କ ବଜାର ପୁଞ୍ଜୀକରଣ ୪,୩୭,୬୦୨.୪ କୋଟି ଟଙ୍କା ହ୍ରାସ ପାଇ ୧,୪୪,୭୬,୨୦୪.୦୨ କୋଟି ଟଙ୍କାରେ ପହଞ୍ଚତ୍ୟାଇଛି। ୬୦୦ରୁ ଅଧିକ ଶେୟାର ୫୨ ସପ୍ତାହର ସର୍ବନିମ୍ନ ସ୍ତରରେ ପହଞ୍ଚତ୍ୟାଇଛି।