ନୂଆଦିଲ୍ଲୀ,୧୪।୧୨: ଜମ୍ମୁ-କଶ୍ମୀରର ନ୍ୟାଶନାଲ କନଫରେନ୍ସ ମୁଖ୍ୟ ଫାରୁକ ଅବଦୁଲାଙ୍କ ନଜରବନ୍ଦୀ ଅବଧିକୁ ଆଉ ୩ ମାସ ବୃଦ୍ଧି କରାଯାଇଛି। ଗତ ପ୍ରାୟ ୧୩୨ ଦିନ ହେବ ସେ ନଜରବନ୍ଦୀ ରହିଛନ୍ତି। ଜନ ସୁରକ୍ଷା ଆଇନ ଆଧାରରେ ତାଙ୍କର ଏହି ନଜରବନ୍ଦୀ ଅବଧିକୁ ବୃଦ୍ଧି କରାଯାଇଥିବା ସୂଚନା ରହିଛି। ସୂଚନାଯୋଗ୍ୟ, ଜମ୍ମୁ-କଶ୍ମୀରରୁ ଅନୁଚ୍ଛେଦ ୩୭୦ ଉଚ୍ଛେଦ ପରଠାରୁ ସୁରକ୍ଷାକୁ ଦୃଷ୍ଟିରେ ରଖି ଫାରୁକ ଅବଦୁଲାଙ୍କ ସମେତ ଅନ୍ୟ କେତେଜଣ ନେତାଙ୍କୁ ନଜରବନ୍ଦୀ ରଖାଯାଇଥିଲା।