ନୂଆଦିଲ୍ଲୀ,୧୦।୭: ଦେଶର ୩ହଜାର ୩ଶହ ୫୦ କୋର୍ଟରେ ନ୍ୟାୟିକ ଘଣ୍ଟା ଲାଗିବ ବୋଲି କେନ୍ଦ୍ର ସରକାର ଯୋଜନା କରିଛନ୍ତି। ଏସମ୍ପର୍କିତ ପ୍ରସ୍ତାବ ୧୫ତମ ଅର୍ଥ କମିଶନଙ୍କ ନିକଟରେ ଦାଖଲ କରାଯାଇଛି। ଏହାଦ୍ୱାରା ଦେଶର ବିଭିନ୍ନ କୋର୍ଟର ତାଲିକା ସୂଚି ଏଲ୍ଇଡି ଡିସପ୍ଲେରେ ପ୍ରଦର୍ଶିତ ହେବ। ଏଥିରେ ସମସ୍ତ ହାଇକୋର୍ଟ, ଜିଲାକୋର୍ଟ ଏବଂ ନିମ୍ନ ଅଦାଲତର ସୂଚି ତାଲିକା ରହିବ। କୋର୍ଟରେ ବିଚାର କରାଯାଉଥିବା ମାମଲା ଆଧାରରେ ଏହି ତାଲିକା ପ୍ରକାଶ କରାଯିବ। କୋର୍ଟଗୁଡ଼ିକର କାର୍ଯ୍ୟଦକ୍ଷତା ପ୍ରଦର୍ଶନକୁ ବିଚାର ପରିସରଭୁକ୍ତ କରାଯାଇ ସୂଚି ତାଲିକା ପ୍ରସ୍ତୁତ ହେବ। ୨୦୨୦ରୁ ୨୦୨୫ ମଧ୍ୟରେ ଏହି ନ୍ୟାୟିକ ଘଣ୍ଟା ଲଗାଯିବ। ଏଥିପାଇଁ ମୋଟ ୪ ଶହ ୩୬ କୋଟି ଟଙ୍କା ଖର୍ଚ୍ଚ ହେବ ବୋଲି କୁହାଯାଉଛି।