କେନ୍ଦୁଝର, ୨୯।୪(ସ୍ବ.ପ୍ର.)-ଲକ୍ଡାଉନ୍ ଯୋଗୁ ରକ୍ତ ସମସ୍ୟା ଦେଖାଦେଉଥିବା ବେଳେ ସ୍ଥାନୀୟ କଲେଜ ରୋଡସ୍ଥିତ ମହାଲକ୍ଷ୍ମୀ କଲଚରାଲ କ୍ଳବ ପକ୍ଷରୁ ବୁଧବାର ସ୍ବେଚ୍ଛାକୃତ ରକ୍ତଦାନ ଶିବିର ଆୟୋଜନ କରି ସ୍ବେଚ୍ଛାକୃତ ରକ୍ତ ଦାନ କରିଥିବା ଜଣାପଡିଛି। ଡକ୍ଟର ଅନୁଜା ତ୍ରିପାଠୀଙ୍କ ତତ୍ତ୍ୱାବଧାନରେ ରକ୍ତ ସଂଗ୍ରହ କରାଯାଇଥିଲା। ଏହି ଅବସରରେ ତିରିଶ ୟୁନିଟ ରକ୍ତ ସଂଗ୍ରହ କରାଯାଇଥିଲା। କ୍ଲବର ସଭାପତି ଜ୍ଞାନ ରଞ୍ଜନ ଦାସ, ସମ୍ପାଦକ ଜିତେନ୍ଦ୍ର କୁମାର ଦାସଙ୍କ ନେତୃତ୍ୱରେ ଅନୁଷ୍ଠିତ ଏହି ରକ୍ତଦାନ ଶିବିରକୁ ଉପଦେଷ୍ଟା ମନରଞ୍ଜନ ଜେନା, ସରୋଜ ବିଶ୍ୱାଳ, ବେଣୁଧର ନାୟକ, ଅରିନ୍ଦମ ପଣ୍ଡିତ, ପାପୁନ ସାହୁ, ଦିପକ ଦାସ, ନାରାୟଣ ବିଶ୍ୱାଳ, ଜିତେନ୍ଦ୍ର ମହାନ୍ତି, ହିମାଂଶୁ ଦାସ, ଅମୂଲ୍ୟ ମିଶ୍ର, କୌଶିକ ଟ୍ୟାଙ୍କଙ୍କ ସମେତ ସୁରଜିତ ଦାସ ପ୍ରମୁଖ ସହଯୋଗ କରିବା ସହ ରକ୍ତଦାନ କରିଥିଲେ।