କେନ୍ଦୁଝର,୯ା୪(ଡି.ଏନ୍.ଏ.): କେନ୍ଦୁଝର ଜିଲାକୁ ୩୭ଜଣ ବ୍ୟକ୍ତି ବିଦେଶରୁ ଫେରିଛନ୍ତିି। ସେମାନଙ୍କ ମଧ୍ୟରୁ ୩୧ଜଣଙ୍କ ହୋମ କ୍ୱାରାଣ୍ଟାଇନ୍ ଅବଧି ଶେଷ ହୋଇଛି। ଜିଲାରେ ବର୍ତ୍ତମାନ ପର୍ଯ୍ୟନ୍ତ କରୋନା ଆକ୍ରାନ୍ତ ଚିହ୍ନଟ ହୋଇ ନ ଥିଲେ ମଧ୍ୟ ସଂକ୍ରମଣ ନ ବ୍ୟାପିବ ପାଇଁ ପ୍ରଶାସନ ତରଫରୁ ଦୃଢ ପଦକ୍ଷେପ ନିଆଯାଉଛି। ଜିଲାର ବିଭିନ୍ନ ସ୍ଥାନକୁ ସାନିଟାଇଜ କରାଯାଉଥିବା ବେଳେ ସାମାଜିକ ଦୂରତା ବଜାୟ ରଖିବା ପାଇଁ ପଦକ୍ଷେପ ଗ୍ରହଣ କରାଯାଉଛି। ଅପରପକ୍ଷରେ ଜିଲାରେ କୋଭିଡ୍-୧୯ ହସ୍ପିଟାଲ,କ୍ୱାରାନଟାଇନ୍ ଗୃହ ବ୍ୟବସ୍ଥା କରାଯିବା ସହ ଲକ୍ ଡାଉନ୍ ଉଲ୍ଲଘଂନକାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯାଉଛି। ଜିଲାରେ ଲକ୍ ଡାଉନ୍ ବୁଧବାର ୧୫ ଦିନରେ ପହଁଞ୍ଚି ଥିଲେ ମଧ୍ୟ ଗ୍ରାମାଞ୍ଚଳର କେତେକ ଲୋକ ସାମାଜିକ ଦୂରତ୍ୱକୁ ମାନୁ ନ ଥିବା ଅଭିଯୋଗ ହେଉଛି।