ମୁମ୍ବାଇ: ବଲିଉଡ୍ ତଥା ଦକ୍ଷିଣ ଫିଲ୍ମ ଇଣ୍ଡଷ୍ଟ୍ରିର ସଫଳ ଅଭିନେତ୍ରୀ କମଲ ହାସନଙ୍କ ଲଳନା ଶ୍ରୁତି ହାସନ ମଙ୍ଗଳବାର ୩୪ ବର୍ଷରେ ପଦାର୍ପଣ କରିଛନ୍ତି। ସେ ୧୯୮୬ ଜାନୁୟାରୀ ୨୮ରେ ଚେନ୍ନାଇଠାରେ ଜନ୍ମଗ୍ରହଣ କରିଥିଲେ। ତାଙ୍କର ପ୍ରକୃତ ନାମ ଶ୍ରୁତି ରାଜଲକ୍ଷ୍ମୀ ହାସନ। ଚାଚି ୪୨୦ରେ ସେ ଶିଶୁ କଳାକାର ଭାବେ ଅଭିନୟ କରିଥିଲେ। ଫିଲ୍ମ ଲକ୍ରେ ସେ ବଲିଉଡ୍ରେ ଡେବ୍ୟୁ କରିଥିଲେ। ସେ ଏଥିରେ ଇମରାନ୍ ଖାଁଙ୍କ ଅପୋଜିଟ୍ରେ ଅଭିନୟ କରି ଢ଼େର୍ ପ୍ରଶଂସା ସାଉଁଟି ଥିଲେ। ଏହାପରେ ତାଙ୍କର ଫିଲ୍ମ ରାମାୟ ବସ୍ତାବୟା ମଧ୍ୟ ସଫଳ ରହିଥିଲା। ଶ୍ରୁତି ଏବଂ ରଜନୀକାନ୍ତଙ୍କ ଜ୍ୱାଇଁ ଧନୁଷଙ୍କ ମଧ୍ୟରେ ପ୍ରେମ ସମ୍ପର୍କ ନେଇ ଦକ୍ଷିଣ ଫିଲ୍ମ ଇଣ୍ଡଷ୍ଟ୍ରି ସହିତ ବଲିଉଡ୍ରେ ବେଶ୍ ଚର୍ଚ୍ଚା ରହିଥିଲା। ସେମାନେ ଡେଟିଂରେ ଯାଉଥିବା ନେଇ ନାନା ଖବର ମଧ୍ୟ ଶୁଣିବାକୁ ମିଳିଥିଲା। ମାଇକେଲ କୋର୍ସେଲ୍ଙ୍କ ସହିତ ତାଙ୍କର ପ୍ରେମ ସମ୍ପର୍କ ନେଇ ବେଶ୍ ଚର୍ଚ୍ଚା ହୋଇଥିଲା। ଦୀର୍ଘ ଦିନ ପ୍ରେମ ସମ୍ପର୍କ ପରେ ସେମାନେ ପରସ୍ପରଠାରୁ ଦୂରେଇ ଯାଇଥିଲେ।