ଜମ୍ମୁ,୧୯।୧୧:ସିଆଚୀନ୍ ଗ୍ଲାସିୟର ପୃଥିବୀର ଉଚ୍ଚତମ ଯୁଦ୍ଧସ୍ଥଳ। ଏଠାରେ ଭାରତୀୟ ଯବାନ ୧୬ ରୁ ୨୦ ହଜାର ଫୁଟ ଉଚ୍ଚରେ ମୁତୟନ ହୋଇଥାନ୍ତି। ଦେଶ ସୀମାର ସୁରକ୍ଷା ପାଇଁ ମାଇନସ୍ ୫୦ ଡିଗ୍ରୀରୁ କମ୍ ତାପମାତ୍ରାରେ ଯବାନମାନେ ସୁରକ୍ଷା କାର୍ଯ୍ୟ କରିଥାନ୍ତି। ଏଠାରେ ୧୯୮୪ଠାରୁ ଗତ ୩୫ ବର୍ଷ ମଧ୍ୟରେ ବିନା ଯୁଦ୍ଧରେ ୮୭୩ ଯବାନ ଶହୀଦ୍ ହୋଇଛନ୍ତି। ଏଠାକାର ପ୍ରତିକୂଳ ପାଣିପାଗ ସେମାନଙ୍କର ଜୀବନ ନେଇଛି। ଉଭୟ ଭାରତ ଏବଂ ପାକିସ୍ତାନର ୨୫୦୦ରୁ ଅଧିକ ସୁରକ୍ଷା କର୍ମଚାରୀଙ୍କର ମୃତ୍ୟୁ ଅତ୍ୟଧିକ ଥଣ୍ଡା ଅବା ବରଫ ଝଡ଼ ଯୋଗୁ ଘଟିଛି। ୨୦୧୨ରେ ପାକିସ୍ତାନର ଗୟାରି ବେସ୍ କ୍ୟାମ୍ପ୍ରେ ହିମ ସ୍ଖଳନ ଯୋଗୁ ୧୨୪ ପାକିସ୍ତାନୀ ସୈନିକ ଏବଂ ୧୧ ଜଣ ଲୋକଙ୍କ ମୃତ୍ୟୁ ଘଟିଥଲା। ଏଠାରେ ଭାରତ ୧୯୮୪ରେ ମିଲିଟାରୀ ବେସ୍ ସ୍ଥାପନ କରିଥିଲା। ଏଠାରେ ୩ ହଜାର ଭାରତୀୟ ଯବାନ ମୁତୟନ ହୋଇଛନ୍ତି। ପ୍ରତିଦିନ ଯବାନଙ୍କ ସୁରକ୍ଷା ପାଇଁ ୫ କୋଟି ଟଙ୍କା ଖର୍ଚ୍ଚ ହୋଇଥାଏ। ଏଠାରେ ଅଧିକ ଦିନ ରହିଲେ ଯବାନଙ୍କ ଶୁଣିବା ଏବଂ ଦେଖିବା କ୍ଷମତା କମିବାରେ ଲାଗିଥାଏ। ଏହା ସହିତ ସ୍ମୃତିଶକ୍ତି ମଧ୍ୟ କମିଯାଇଥାଏ। ଅତ୍ୟଧିକ ଥଣ୍ଡା ଯୋଗୁ ଶରୀରର ନିମ୍ନ ଅଂଙ୍ଗରେ ରକ୍ତ ପ୍ରଭାବ କମିବା ଯୋଗୁ ବହୁ ସମୟରେ ଯବାନଙ୍କ ପାଦ ଆଙ୍ଗୁଳି ପଚି ଯାଇଥାଏ। ଶେଷରେ ଏହାକୁ କଟା ଯାଇଥାଏ।
