ଥିରୁଭାନନ୍ତପୁରମ୍,୨୬।୯:କେରଳର ବୃଦ୍ଧାଶ୍ରମରେ ଏକ ନିଆରା ମିଳନ ଘଟିଛି। ୩୬ ବର୍ଷ ପରେ ଜଣେ ବୃଦ୍ଧ ଦମ୍ପତିଙ୍କ ବୃଦ୍ଧାଶ୍ରମରେ ପରସ୍ପରକୁ ଅଚାନକ ଭେଟିଛନ୍ତି। ୬୫ ବର୍ଷ ପୂର୍ବେ ବିବାହ କରିଥିବା ସ୍ୟାଦୁ(୯୦) ଏବଂ ସୁଭଦ୍ରା(୮୨) ତ୍ରିଶୁର ଜିଲାରେ ଥିବା ଏକ ବୃଦ୍ଧାଶ୍ରମରେ ରହିବାକୁ ଆସିଥିଲେ। ପ୍ରଥମେ ସୁଭଦ୍ରା ଏବଂ ତାଙ୍କ ଏକମାସ ପରେ ସ୍ୟାଦୁ ଆସିଥିଲେ। ଉଭୟଙ୍କ ଆଖିକୁ ଏତେଟା ଦିଶୁ ନ ଥିଲେ ମଧ୍ୟ ସ୍ୟାଦୁଙ୍କ ସ୍ବର ଶୁଣି ସୁଭଦ୍ରା ତାଙ୍କୁ ଚିହ୍ନିପାରିଥିଲେ। ସୂଚନାଯୋଗ୍ୟ, ବିବାହର ୩୦ବର୍ଷ ପରେ ଏକ ଚାକିରି ସନ୍ଧାନରେ ଉତ୍ତର ଭାରତକୁ ପଳାଇଥିଲେ। ଏହାପରେ ସେ ଆଉ ଫେରି ନ ଥିଲେ। ସୁଭଦ୍ରା ଅପେକ୍ଷା କରି କରି ରହିଥିଲେ ମଧ୍ୟ ସ୍ୟାଦୁ ଆଉ ଫେରି ନ ଥିଲେ। ୩୬ ପରେ ପରସ୍ପରକୁ ଭେଟିବା ପରେ ବୃଦ୍ଧାଶ୍ରମରେ ଖୁସିର ଲହରୀ ଖେଳିଯାଇଥିଲା।