ମୁମ୍ବାଇ,୬।୨: ଭାରତୀୟ କ୍ରିକେଟର ଶାନ୍ଥାକୁମାରନ୍ ଶ୍ରୀସନ୍ଥ ଗୁରୁବାର ୩୭ବର୍ଷରେ ପଦାର୍ପଣ କରିଛନ୍ତି। ସେ ୧୯୮୩ ଫେବୃୟାରୀ ୬ରେ କେରଳର କୋଥାମଙ୍ଗଳମ୍ଠାରେ ଜନ୍ମଗ୍ରହଣ କରିଥିଲେ। କ୍ରିକେଟ ପଡ଼ିଆରେ ବେଶ୍ ସଫଳତା ହାସଲ କରିପାରି ନ ଥିବା ଶ୍ରୀସନ୍ଥ ମ୍ୟାଚ୍ ଫିକ୍ସିଂ ମାମଲାରେ ଜଡିତ ହୋଇ ନିଜ ପ୍ରଶଂସକଙ୍କଠାରୁ ଦୂରେଇ ଯାଇଛନ୍ତି। ୬ ବର୍ଷ ଧରି ଭୁବନେଶ୍ୱରୀ କୁମାରୀଙ୍କ ସହିତ ଡେଟିଂ ପରେ ଶ୍ରୀସନ୍ଥ ତାଙ୍କୁ ୨୦୧୩ରେ ବିବାହ କରିଥିଲେ। ତେବେ ଶ୍ରୀସନ୍ଥ କଲ ଗର୍ଲଙ୍କ ସହିତ ସମୟ ବିତାଉଥିବା ଅଭିଯୋଗ ହୋଇଥିଲା। ଏକ ହୋଟେଲରେ ସେ କଲ ଗର୍ଲଙ୍କ ସହିତ ରାତି ବିତାଇଥିବା କୁହାଯାଉଥିଲା। ତେବେ ଭୁବନେଶ୍ୱରୀ କୁମାରୀ ଏହାକୁ ଖାତିର ନ କରି ଶ୍ରୀସନ୍ଥଙ୍କ ହାତ ଧରିଥିଲେ।