ଭୁବନେଶ୍ୱର,୧୭ା୮(ବ୍ୟୁରୋ): ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ସେବା ପାଇଁ ପୋଲିସ, ଅଗ୍ନିଶମ ଓ କାରାଗାର ବିଭାଗର ଅଧିକାରୀ ଏବଂ କର୍ମଚାରୀଙ୍କୁ ପଦକ ପ୍ରଦାନ କରାଯାଇଛି। ସ୍ଥାନୀୟ ଜୟଦେବ ଭବନରେ ଗୁରୁବାର ଅନୁଷ୍ଠିତ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ପଦକ ପ୍ରଦାନ କରିଛନ୍ତି। ଉଲ୍ଲେଖନୀୟ ସେବା ପାଇଁ ୩୯ଜଣ ପୋଲିସ ଅଧିକାରୀ ଓ କର୍ମଚାରୀ ପଦକ ପାଇଛନ୍ତି। ସେମାନଙ୍କ ମଧ୍ୟରୁ ୨୬ଜଣଙ୍କୁ ସାହସିକତା ମେଡାଲ, ବିଶିଷ୍ଟ ସେବା ପାଇଁ ୨ଜଣଙ୍କୁ ରାଷ୍ଟ୍ରପତି ପୋଲିସ ପଦକ ଓ ୧୦ଜଣଙ୍କୁ ମେରିଟୋରିୟସ୍ ସେବା ପଦକ ମିଳିଛି।
ସାହସିକତା ପାଇଁ ରାଉରକେଲା ପୋଲିସ ଜିଲାର ଏଏସ୍ଆଇ ସୁନିଲ କୁମାର ନନ୍ଦ, ହାବିଲଦାର କମଳେନ୍ଦୁ ଷଡଙ୍ଗୀ, କନ୍ଷ୍ଟେବଳ ମଦନ କିଷାନ, କନ୍ଷ୍ଟେବଳ ଆଥନାସିୟାସ ଜୋଜୋ, କନ୍ଷ୍ଟେବଳ ମୁକେଶ କୁମାର ବ୍ରହ୍ମା, କଟକ ଷଷ୍ଠ ବାଟାଲିୟନର ସୁବେଦାର ବିଦ୍ୟାଧର ସେଠୀ, ଭୁବନେଶ୍ୱର ଏସ୍ଓଜି କମାଣ୍ଡୋ ବିଶାଲ ବୋମ୍ଜାନ୍, ଏସ୍ଓଜି କମାଣ୍ଡୋ ରାଜେନ୍ଦ୍ର ମଲ୍ଲ, ଏସ୍ଓଜି କମାଣ୍ଡୋ ଦୀପକ ସିଂ କନଓ୍ବର, ଏସ୍ଓଜି ହାବିଲଦାର ଧ୍ରୁବ ବାହାଦୂର ବାସ୍ନେଟ, ଏସ୍ଓଜି ହାବିଲଦାର ରାକେଶ ବିଶ୍ୱକର୍ମା, ଏସ୍ଓଜି କନ୍ଷ୍ଟେବଳ କାହ୍ମୁଚରଣ ମାଝି, ଏସ୍ଓଜି ସୁବେଦାର ରବିନ୍ଦ୍ର ଶବର, ଏସ୍ଓଜି ସୁବେଦାର ଅଶୋକ କୁମାର ରଥ, ଏସ୍ଓଜି ହାବିଲଦାର ଆଲୋକ କୁମାର ସେଠୀ, ଏସ୍ଓଜି କମାଣ୍ଡୋ ଧନଞ୍ଜୟ ବରାଡ, ଏସ୍ଓଜି କମାଣ୍ଡୋ କୃଷ୍ଣଚନ୍ଦ୍ର ପିଙ୍ଗ, ଭୁବନେଶ୍ୱର ଏସ୍ଓଜି କମାଣ୍ଡୋ ସନ୍ତୋଷ କୁମାର ଧାନ୍।
କୋରାପୁଟର ଅତିରିକ୍ତ ଏସ୍ପି ନିରଞ୍ଜନ ସାହୁ, ହାବିଲଦାର କେଶବ ସୀସା, ହାବିଲଦାର ଜିତେନ୍ଦ୍ର କୁମାର ଦାସ, କନ୍ଷ୍ଟେବଳ ସିନିୟା ଶେଖର ବେପାରି, କୋରାପୁଟର କନ୍ଷ୍ଟେବଳ ଉଦ୍ଧବ ଚାଲାଣ, କନ୍ଧମାଳ ଏସ୍ପି ପ୍ରତୀକ ସିଂହ, କନ୍ଷ୍ଟେବଳ ମଧୁସୂଦନ ମଲ୍ଲିକ, କନ୍ଧମାଳ ଓଏପିଏଫ୍ ଜଗନ୍ନାଥ କହଁର।
ରାଷ୍ଟ୍ରପତି ପୋଲିସ ପଦକ ପାଇଥିବା ଦୁଇ ପୋଲିସ ଅଫିସର ହେଲେ ଭୁବନେଶ୍ୱର ଏସ୍ଆଇଡବ୍ଲ୍ୟୁର ଡିଏସ୍ପି ଜ୍ଞାନରଞ୍ଜନ ମହାପାତ୍ର ଏବଂ ଏସିପି ଅସୀମ କୁମାର ପଣ୍ଡା। ସେହିଭଳି ୧୦ଜଣ ମେରିଟାରିୟସ୍ ସେବା ପଦକ ପାଇଛନ୍ତି। ସେମାନେ ହେଲେ ଢେଙ୍କାନାଳ ଓଏସ୍ଏପି ପ୍ରଥମ ବାଟାଲିୟନ କମାଣ୍ଡାଣ୍ଟ ନବକିଶୋର ଦାସ, ଭୁବନେଶ୍ୱର ଏସ୍ଓଜି କମାଣ୍ଡାଣ୍ଟ ଅଜୟ କୁମାର ପାଢୀ, ଭୁବନେଶ୍ୱର ଏସ୍ଆଇଡବ୍ଲ୍ୟୁ ଡିଏସ୍ପି ଅଶୋକ କୁମାର ଦେଓ, ଭୁବନେଶ୍ୱର ଏସିପି(ସିକ୍ୟୁରିଟି)ଏସ୍.ଏସ୍ ବି.ଏନ୍. ପ୍ରଫୁଲ୍ଲ କୁମାର ସିଂ, କଟକ ଭିଜିଲାନ୍ସ ନିର୍ଦ୍ଦେଶାଳୟର ଭାରପ୍ରାପ୍ତ ଡିଏସ୍ପି ପ୍ରଦ୍ୟୁମ୍ନ କୁମାର ଦ୍ୱିବେଦୀ, ଭୁବନେଶ୍ୱର ଇଓଡବ୍ଲ୍ୟୁ ଏବଂ ସିଆଇଡି ସିବିର ଭାରପ୍ରାପ୍ତ ଡିଏସ୍ପି ସ୍ନିଗ୍ଧା ଭଞ୍ଜ, ଭୁବନେଶ୍ୱର ଏସ୍ଆଇଡବ୍ଲ୍ୟୁର ଏସ୍ଆଇ ବ୍ରହ୍ମାନନ୍ଦ ପଣ୍ଡା, ସମ୍ବଲପୁର ଜିଲାର ଏଏସ୍ଆଇ କୈଳାସ ଚନ୍ଦ୍ର ପ୍ରଧାନ, ଝାରସୁଗୁଡ଼ାର ହାବିଲଦାର ଆଲେକଜାଣ୍ଡାର କୁଜୁର, ବ୍ରହ୍ମପୁର ଭିଜିଲାନ୍ସ କନଷ୍ଟେବଳ ବିପ୍ରଚରଣ ଗୌଡ଼। ଖୋର୍ଦ୍ଧା ସଦର ଥାନା ଇନ୍ସପେକ୍ଟର ବିକ୍ରମ କେଶରୀ ଜେନାଙ୍କୁ ପୋଲିସ ପଦକ ମିଳିବାର ଥିଲା। ତେବେ ଚୋରା ଖଣି କାରବାର କେସ୍ରେ ଏସ୍ଟିଏଫ୍ ତାଙ୍କୁ ସମନ କରିଥିବାରୁ ପୋଲିସ ପଦକ ଦିଆଯାଇନାହିଁ। ଏହି ଅବସରରେ ପୋଲିସ ପଦକ ପାଇଥିବା ଅଧିକାରୀ ଓ କର୍ମଚାରୀମାନଙ୍କୁ ଉଦ୍ବୋଧନ ଦେଇ ମୁଖ୍ୟମନ୍ତ୍ରୀ ଆଗାମୀ ଦିନରେ ଆହୁରି ଭଲ କାମ କରିବା ସହ ଲୋକଙ୍କ ନିକଟତର ହେବାକୁ ଆହ୍ବାନ ଦେଇଛନ୍ତି। ଜନସାଧାରଣଙ୍କ ଅଭିଯୋଗକୁ ଗୁରୁତ୍ୱର ସହ ନେଇ ଏହାର ସମାଧାନ କରିବାକୁ ମଧ୍ୟ ପରାମର୍ଶ ଦେଇଛନ୍ତି। ଉକ୍ତ କାର୍ଯ୍ୟକ୍ରମରେ ମୁଖ୍ୟ ଶାସନ ସଚିବ ଅସିତ ତ୍ରିପାଠୀ ଓ ରାଜ୍ୟ ନିର୍ବାଚନ କମିଶନର ଆଦିତ୍ୟ ପ୍ରସାଦ ପାଢୀ ଉପସ୍ଥିତ ଥିଲେ।
