ସମ୍ବଲପୁର,୬।୪(ବ୍ୟୁରୋ)-କରୋନା ଭୂତାଣୁର ମୁକାବିଲା ଲାଗି ସରକାର କଟକଣା ଜାରି କରିଛନ୍ତି। ଏପ୍ରିଲ ୧୪ ପର୍ଯ୍ୟନ୍ତ ସାରା ଦେଶକୁ ଲକ୍ ଡାଉନ୍ ଘୋଷଣା କରିଛନ୍ତି। ହେଲେ ନିୟମ ପାଳନ କରୁ ନ ଥିବା ସମ୍ବଲପୁରର ଅମାନିଆମାନଙ୍କୁ ପୋଲିସ ସାବାଡ କରିଛି । ଗତ ୨୪ ଘଣ୍ଟା ଭିତରେ ପୋଲିସ ପକ୍ଷରୁ ହୋଇଥିବା କାର୍ଯ୍ୟାନୁଷ୍ଠାନରେ ୩ କିରାନା ଦୋକାନ ସିଲ କରାଯାଇଛି । ଏଗୁଡିକ ଧନୁପାଲି ଥାନା ପିଡବ୍ଳୁଡି କଲୋନୀ, ଅଇଁଠାପାଲି ଥାନା ଆଦର୍ଶ ନଗର ଓ କ୍ଷେତରାଜପୁର ଥାନା ମାଳବାରୀ ଅଞ୍ଚଳର। କଟକଣା ସମରେ ଦୋକାନରେ ସମାଜିକ ଦୂରତା ରହି ନ ଥିଲା। ଏହା ସହ ଗ୍ରାହକଙ୍କ ହାତ ଧୋଇବା ପାଇଁ ବ୍ୟବସ୍ଥା କରି ନ ଥିବାରୁ ଦୋକାନ ଗୁଡିକ ସିଲ୍ କରାଯାଇଥିଲା । ସେହିପରି ବିଭିନ୍ନ ଥାନା ଅଞ୍ଚଳରୁ ୨୨ ଜଣଙ୍କ ନାମରେ ମାମଲା ରୁଜୁ ହୋଇଛି । ୩୫ ବାଇକ୍ ଜବତ ହୋଇଛି ବୋଲି ପୋଲିସ ପକ୍ଷରୁ ସୂଚନା ମିଳିଛି