କୋରାପୁଟ,୨୧।୧୦(ସ୍ବ.ପ୍ର.): କୋରାପୁଟ ଜିଲାରେ ଗତ ୩ ବର୍ଷ ଧରି ମାଓବାଦୀଙ୍କ ନାମରେ ଅର୍ଥ ଆଦାୟ ଅଭିଯୋଗରେ ସୋମବାର କାକିରିଗୁମ୍ମା ପୋଲିସ ୩ ଜଣ ନକଲି ମାଓବାଦୀଙ୍କୁ ଗିରଫ କରିଛି। ସେମାନେ ହେଲେ କୋରାପୁଟ ଜିଲା ସେମିଳିଗୁଡ଼ା ଥାନା ଉପରସାହିର ଶୁକଦେବ ମହାନନ୍ଦିଆ(୩୭), ସେମିଳିଗୁଡ଼ା ତଳ ସାହିର ଶ୍ୟାମ ମହାନନ୍ଦିଆ (୨୮) ଏବଂ ନାରାୟଣପାଟଣା ବ୍ଲକର ଉପରଗୁମାଣ୍ଡି ଗ୍ରାମର ପୂର୍ଣ୍ଣ ତାଡିଙ୍ଗି(୨୭)। ସେମାନଙ୍କଠାରୁ ଏକ ଦେଶୀ ବନ୍ଧୁକ ସମେତ ବହୁ ପୋଷ୍ଟର ଜବତ କରାଯାଇଥିବା ସୋମବାର ଅପରାହ୍ନରେ ସ୍ଥାନୀୟ ଜିଲା ଆରକ୍ଷୀ ଅଧୀକ୍ଷକ କାର୍ଯ୍ୟାଳୟ ପରିସରରେ ଆୟୋଜିତ ଏକ ଖବରଦାତା ସମ୍ମିଳନୀରେ ଏସ୍ପି ମୁକେଶ ଭାମୁ ପ୍ରକାଶ କରିଛନ୍ତି ।
