ଫୁଲବାଣୀ ଅଫିସ, ୧୧ା୭-କନ୍ଧମାଳ ଜିଲାରେ ବିଭିନ୍ନ ସେବାଶ୍ରେମ/ଆଶ୍ରମ ବିଦ୍ୟାଳୟରେ ସିସିଏ(କୁକ୍ କମ୍ ଆଟେଣ୍ଡାଣ୍ଟ)ଙ୍କୁ ଦରମା ମିଳୁ ନାହିଁ। ତୁମୁଡ଼ିବନ୍ଧ ବ୍ଲକ ଭାଲିଆପାଣି ସେବାଶ୍ରମ ବିଦ୍ୟାଳୟର ସିସିଏମାନେ ଆସି ଜିଲାପାଳଙ୍କୁ ଏନେଇ ଅଭିଯୋଗ କରିଛନ୍ତି। ୨୦୧୬ ଜୁଲାଇ ୧ରେ ବିଦ୍ୟାଳୟ ପରିଚାଳନା କମିଟି ଦ୍ୱାରା ଏକ ବୈଠକ କରି ରେଜୁଲେଶନ ମାଧ୍ୟମରେ ନିରନ୍ତି ମାଝୀ ଓ ତରୁଲତା ମାଝୀଙ୍କୁ ସିସିଏରେ ନିଯୁକ୍ତି ଦିଆଯାଇଥିଲା। ଆଜିପର୍ଯ୍ୟନ୍ତ ସେମାନଙ୍କୁ ନିଯୁକ୍ତି ପତ୍ର ଓ ଦରମା ମିଳିନାହିଁ। ଜିଲାର ବିଭିନ୍ନ ସ୍କୁଲରେ ୩୫ ଜଣ ସିସିଏ ଏହିଭଳି ଦୀର୍ଘଦିନ ଧରି ବିନା ପାରିଶ୍ରମିକରେ ଖଟୁଛନ୍ତି। ଏ ନେଇ କନ୍ଧମାଳ ଜିଲାପାଳଙ୍କ କାର୍ଯ୍ୟାଳୟରୁ ୨୦୧୭ରେ ରାଜ୍ୟ ଏସ୍ସି ଏସ୍ଟି ଉନ୍ନୟନ ବିଭାଗକୁ ଚିଠି କରାଯାଇଥିଲା। କିନ୍ତୁ କୌଣଶି ପଦକ୍ଷେପ ନିଆ ଯାଇନାହିଁ। ଏଣୁ ଜିଲା ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ସିସିଏମାନେ ଦାବି କରିଛନ୍ତି। ଏ ନେଇ ଜିଲା ମଙ୍ଗଳ ଅଧିକାରୀ ଶେଷଦେବ ବେହେରାଙ୍କୁ ପଚାରିବାରୁ ମୁଁ ନୂତନ ଭାବେ ଯୋଗ ଦେଇଛି, ଏ ବିଷୟରେ ବିଭାଗୀୟ ଉଚ୍ଚ ଅଧିକାରୀଙ୍କୁ ଜଣାଇ ଖୁବ୍ଶୀଘ୍ର ସମାଧାନ କରିବି ବୋଲି କହିଥିଲେ।