ଭୁବନେଶ୍ୱର, ୩।୧୨:(ବ୍ୟୁରୋ): ନୂଆ ମୋଟରଯାନ ଆଇନ ଲାଗୁହେବା ପରଠୁ ରାଜ୍ୟ ପୋଲିସ ପକ୍ଷରୁ ଧରପଗଡ ଜୋରଦାର କରାଯାଉଛି। ହାଇକୋର୍ଟଙ୍କ ନିର୍ଦ୍ଦେଶ ପରେ ରାଜ୍ୟ ପୋଲିସ ବିଭାଗ ପକ୍ଷରୁ ମଦ୍ୟପ ଡ୍ରାଇଭରଙ୍କ ଉପରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି। ଶେଷ ୩ ମାସରେ ୮୫୮୩ ମଦ୍ୟପ ଡ୍ରାଇଭରଙ୍କୁ ଗିରଫ କରାଯାଇଛି। ଗଞ୍ଜାମ ଜିଲାରେ ସବୁଠୁ ଅଧିକ ୧୭୯୯ ଓ ସବୁଠୁ କମ୍ ୧୧ଜଣ ପୁରୀ ଜିଲାରେ ଗିରଫ ହୋଇଛନ୍ତି। କଟକ ଗ୍ରାମାଞ୍ଚଳରେ ୬୪, ଜଗତ୍ସିଂହପୁର ଜିଲାରେ ୧୧୭, ଯାଜପୁରରେ ୮୬୬, କେନ୍ଦ୍ରାପଡାରେ ୩୪, ନୟାଗଡ଼ରେ ୩୯, ଖୋର୍ଦ୍ଧାରେ ୧୧୭, ବାଲେଶ୍ୱରରେ ୧୦୨, ଭଦ୍ରକରେ ୧୯୬, ମୟୂରଭଞ୍ଜରେ ୧୦୬୧, ସମ୍ବଲପୁରରେ ୨୭୬, ବରଗଡ ୬୯, ଝାରସୁଗୁଡା ୫୫, ବଲାଙ୍ଗୀର ୧୧୫, ସୋନପୁର ୫୧, ଦେଓଗଡ଼ ୬୬, ଢେଙ୍କାନାଳ ୩୩୫, ଅନୁଗୋଳ ୫୫୯, ଗଜପତି ୨୫୬, ବ୍ରହ୍ମପୁର ପୋଲିସ ଜିଲାରେ ୨୬୧, କନ୍ଧମାଳ ୨୨୦, ବୌଦ୍ଧ ୮୮, କୋରାପୁଟ ୨୦୦, ନବରଙ୍ଗପୁର ୧୬୯, ରାୟଗଡା ୧୧୨, ମାଲକାନଗିରି ୧୨୯, କଳାହାଣ୍ଡି ୨୮୪, ନୂଆପଡ଼ା ୯୩, ସୁନ୍ଦରଗଡ ୩୨୭, କେନ୍ଦୁଝର ୧୮୬, ରାଉରକେଲା ପୋଲିସ ଜିଲାରେ ୧୬୫, ଭୁବନେଶ୍ୱର ପୋଲିସ ଜିଲାରେ ୨୦ଜଣ ଓ କଟକରେ ୧୧୧ଜଣ ମଦ୍ୟପ ଡ୍ରାଇଭର ଗିରଫ ହୋଇଛନ୍ତି। ଆଗାମୀ ଦିନରେ ଏହି ଧରପଗଡ଼ ଜୋର୍ଦାର ଜାରି ରହିବ ବୋଲି ଡିଜିପି ସତ୍ୟଜିତ ମହାନ୍ତି ସୂଚନା ଦେଇଛନ୍ତି।
